La Usc di Ladins

Le jonn de 16 agn da Corvara é ste le miú te süa categoria, do bëgn 8 dis de gares, partides sö te 4 tapes. Les competiziuns é gnüdes tignides a Graffignano (VT), Olbia (SS), Aielli (AQ) y Ortovero (SV) y se á desfiré sön indöt bëgn 450 chilometri de seturs seletifs cronometrá. Francesco é tesseré pro le Moto Club RMG de Ravenna, cun a ce Gabriella Bagnaresi; le jonn vëgn assistí dal team Beta Dirt Racing (FI) cun so presidënt Paolo Machetti. Denanco tó pert al campionat, á Francesco partezipé ala 15ejima Scuola Federale Motorally, metüda a jí a Riotorto (LI). Te chësta ocajiun ti él gnü insigné dai istruturs federai les tecniches da se möie cun le motor off-road (fora de stradun) y da ti jí pormez ai passaji plü ziti sön trus y sëmenes strëntes. Danterater ál imparé les noziuns de basa che an adora por la navigaziun y co adoré i stromënc nezesciars tratan les competiziuns.