La Usc di Ladins

Flora Tabanelli la é del 2007 e la fèsc la 3^ clasc del Liceo Artistich sezion Design. La vegn da la provinzia de Modena, dai Apenins anter Sestola e Fanano, e a ge verjer la strèda del Ski College de Fascia l é stat sia sor Irene, de 5 egn più grana, e dapò l é ruà ence Miro che l à 3 egn de più e l é jit fora l an passà. »Chieriane na scola desche chesta, vejin ai monc e che posse ne didèr a meter adum sport e scola. Aon troà chesta, mia sor la se à troà n muie ben e dapò sion vegnui ence mie fra e gé, semper col Ski College. Mie fra Miro l à cernù freestyle ajache ge à semper piajù sutèr, e canche son vegnuda chiò é dezidù de cerner ence gé chesta disciplina: me saea n muie bel veder fèr chisc sauc e canche é tacà me é engaissà amò de più. La sensazion de canche saute e rode te l’aria la me pièsc dalbon n muie.«

De più su La Usc stampèda de en vender ai 23 de firé.

 (Lucia Gross)