La Usc di Ladins

Na festa che restarà nte la storia de la val chëla che la comunité fodoma a celebré vender e sabeda passada per la ntitolazion de la plaza zentrala de La Plié a Catarina Lánz, ulache dal 1912 fesc bela paruda la mponenta statua de l’eroina ladina. Fin adés chëla plaza se clamáva »Piazza 7 novembre 1918«. N inom emponù al temp del fascism che no n ava degun significat storich, se no chël de rebadì la volonté de talianizazion da pert del regim. Bele davánt nvalgugn agn, sot l’ultima aministrazion Pezzei, la compagnia dei scizeri da Fodom l’ava mané ite na dománda per mudé chël inom. La scomenciadiva che davánt doi agn l’é stada touta su ndavò dal Istitut Cultural Ladin Cesa de Jan, sostignuda da dute le associazion culturai de la valada. Coscita la passada aministrazion del Capocomun Leandro Grones l’a envié via l iter, che s’a fenì iter per l’aisciuda, per mudé l inom. Auna al aspét storich, la nuova denominazion la vòl onoré plù en general la funzion emportánta che a le ële ntel fè crësce le realté plù puore e descomede de le sozieté bacane da mont come chëla nosta.

De plu tla edizion stampeda de La Usc di Ladins o sun l e-paper a paiament www.lausc.it/e-paper