La Usc di Ladins

Comunanza, condivijion, colaborazion, respet: l é stat la paroles che se à sentù de più a la 13^ festa de le ASUC del Trentin en sabeda ai 12 de otober te tendon de la manifestazions de Poza. N moment emportant de festa ma ence de reflescion per la aministrazions de la Frazions de la provinzia endrezà col didament de le ASUC de Fascia e Fiem, 8 en dut: Penìa, Dèlba, Cianacei, Grìes, Pera, Poza, Vich e Rover Carbonare. 

Paroles che dantfora é states sotlineèdes te la messa ofizièda dal Piscop de Trent Lauro Tisi ensema a don Andrea Malfatti e don Albino Dell’Eva, compagnèda da la cianties ladines del Cor parochial. »Dir ASUC vel dir partezipazion, coinvolgiment, vel dir partegnir a na identità, a na storia, a na cultura - à dit don Lauro.

De più su La Usc stampèda de en vender ai 18 de otober.  (Monica Cigolla)