La Usc di Ladins

»Vos sé algo che val, par chesto paes; i sporśé algo depì a i nostre śoen« – ‘l à dito el capocomun anpezan Gianluca Lorenzi Chenopo, a ra festa de ra Sportivi ghiaccio Cortina, sabeda ai 5 de setenbre. S’aea sco­menzà d’istade, sabeda ai 24 de agosto, co ra partida che i à śuià in Badia, a Corvara, contra el Bolzan. Da ‘l indoman ‘l é stà ra Festa de ra Bandes e ‘l ea un grun de atletes, con chi de ra sozietà, a sfilà. Da i 12 de setenbre i à daerto ra mostra de fotografies, su ra sciares de ra Cooperatia, a contà e mostrà ‘na storia longa zento ane, su ra listes, ma anche co ‘l bob, fin de ‘l 1948, canche ‘l é nasciù cher’outra sozietà. »Ra śente de Anpezo r’é leada a chiste sport su ra jaza, donca ancuoi ‘l é ‘na gran festa par dute – ‘l à śontà el capocomun Lorenzi – se penson dute de ra medaies, de ra gares, ra partides, i canpionate che aé vento, ma pichesee de el valor sozial, par ra comunità, parcé che i nostre śoen i pó fei sport, da pize fin che i deenta grei«. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper