La Usc di Ladins

Al ê n domisdé dl 1984, canche trëi ëres d’Al Plan – Annamaria Clara, Teresa Huber y Hildegard Oberbacher, s’â incunté te calonia de paisc por porvé na ciantia deboriada. Che al foss nasciü da chësc domisdé n cor dles ëres, n’âres denant forsc nia miné. Mo insciö ésera stada. La ciantia ti â soné tan bun, che ares s’â ponsé da chirí adöm ciamó n per de ëres che ess albü ligrueza da cianté. Y bele en Nadé de chël ann êra tan inant che al ringhinî te dlijia por le pröm iade le Cor Ëres Al Plan.
Da inlaota él sëgn passé rodunt 40 agn – n iubilé che an n’á nia orü lascé passé ia ma insciö. An l’á festejé tla manira che an sá da le fá miú: ciantan. La domënia de Santa Maria Imacolada, á le Cor Ëres abelí cun sües usc fines la Zelebraziun dla Parora de Dî. Y pormó ala fin án spo tut l’ocajiun da porté ite n te pice "at ofizial", canche la presidënta Valeria Federa á tut la parora y á cunté en cört la storia de chësc cor.

Nia mancé ne n’á les onoranzes. Deplü podëise lí t’La Usc di Ladins di 19 de dezëmber  (pablo)