La Usc di Ladins

Ai 30 de setëmber à l joler fat doi ntervënc, tramedoi ora dla valedes ladines y nce ai 1. de utober iel stat un n ntervënt ora dla Ladinia, a Laion.
Ai 2 de utober à la zentrela de Bulsan damandà do l joler dala 9:30 per n’emergënza sanitera a Colfosch. Davia che l tëmp ne lasciova nia prò de julé, à l’ambulanza sëurantëut l trasport dl dutor y dl sucoridëur nchin pra l pazient, che n à stabilisà y menà inant cun l’ambulanza nchin tl spedel de Burnech.

Ai 3 de utober dala 15:00 ie l Aiut Alpin unì cherdà a Urtijëi per n’ëila cun n problem psichich. L dutor àn menà pra la pazienta cun l auto y do la prima vijites iela furneda inant cun l’ambulanza te spedel.
Dala 17:00 ie n ël nglëisc tumà sun Plan de Gralba cun la roda da mont. Do che i Judacrëp de Gherdëina ie ruvei pra l ël ài riesc udù che la situazion fova plu grieva de chël che n minova y i à nscì cherdà l joler cun l dutor, che à media l pazient cun na gran ferida da sanch tl mus. N ie pona julei limpea tl spedel de Bulsan.

De plu tla edizion stampeda de La Usc di Ladins o sun l e-paper a paiament www.lausc.it/e-paper