La Usc di Ladins

Ciasa Cassan, una de la strutures de maor valor storich e architetonich de Mazin, la é stata restaurèda. L projet originèl e la relazion storica era stac curé dal architet Giampiero Cuppini, professor de l’Università de Bologna, ma, cò l é vegnù a mencèr, la direzion di lurieres é stata touta su dal studie de architec fascegn Ghetta e Tamion.

»Canche aon tout te man la ciasa — ne à despiegà Alessandro Tamion e Franco Ghetta — i ge aea metù man n muion de oute tel temp. Daite le stue no le era più dute, n é ruà demò trei: una de la metà del Otcent, le autre doi del scomenz del Nefcent. L defora l era mior, enceben che le decorazion le é state roinade dal temp e l smaorament a le fenestre abie roinà le cornisc«.

Tel articol, de gra a la informazions di architec, se pel saer de più sul restaure, ma ence su la storia de Ciasa Cassan, su la fegura del "Schwarzen Mann" che ge à dat inom a la ostarìa, su la decorazions e sul codejel de Viena leà a chest frabicat storich.

Podede lejer dut su La Usc stampèda de en vender ai 11 de otober.  (Nicoletta Riz)