La Usc di Ladins

Publizistica
18.10.
Presentaziun de »Monumënc de pera«
En vëndres ai 18 d’otober dales 19:30 él Mario Clara che presentëia tl salf dles mani­festaziuns a La Val so liber »Monumënc de pera«, olache ara nen vá dles peres da copes, peres che vëgn dant gonot, mo de chëres che an á ciamó dër püces informaziuns sön so significat y süa funziun.

Avisc
Atualmenter
I oraries de Pedies
Se pel veder Pedies sul canal 10 de la televijion Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal l é semper a la leta orian co la friza en su i sotcanai HBBTV, sot la ousc TML. Duc i video e filmac dac fora dal Comun General é ence sul canal Tv Ladina de Youtube.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cu­mëmbri dla Lia Gaia.
12.10.
ASUC del Trentin a Sèn Jan
Doman, sabeda ai 12 de otober la Sociazion provinzièla de le ASUC en colaborazion con la Frazions de Fascia endreza te tendon de Poza la 13^ Festa de le ASUC per i componenc di Comitac de la Frazions. Do l benvegnù da les 10 da doman l é la messa ofizièda dal Piscop Lauro Tisi e dapò i saluc e intervenc, l aperitif e la marena.
12-13.10.
Cianacei da descorir col FAI
Ai 12 e ai 13 de otober, dis FAI da d’uton, con la delega­zion de Fascia e Fiem se pel cognoscer Cianacei »anter doi patries«. En sabeda les 9:30 vijita al zenter del paisc e da les 14:00 al cianton de Cleva e galarìa d’èrt Tanart. En domenia da les 9:30 trekking fin sa Mortic. Se se bina sem­per lo dal Chino Marmolèda amancol 10 menuc dant.
15.10.
Fons de investiment
L Comun General de Fascia endreza na lingia de scontrèdes con esperc califiché per la jent e i operadores economics. La pruma la é en mèrtesc ai 15 de otober da les 18:00 te sala grana del CGF, se rejonarà de fons de investiment a so­stegn de l’economia reèla e del fondo Euregio+Turismo, realtà locala al servije del setor turistich.
19.10.
Simposie Top Wine 2950
En sabeda ai 19 de otober al Refuge Maria sun Sas Pordoi la SITC endreza l Simposie Top Wine 2950. Da les 10:00 a les 17:00 se pel cercèr vins de 20 cèvenes de la region e n ‘special guest’ de la Toscana, bocons sfiziousc e l piat del chef Giovanni Gabrielli. En vender ai 18 da les 14:00 ma­ster­class sui vins San Leonar­do & Lupicaia. Info e prenota­zions su valdifassalift.it.
19.10.
»Diggy-Treff« ancuntedes digiteles
Ëis’a dumandes n con’ de vosc computer, de programs o per la nstalazion de na soft­ware? Tulëde pea vosc fonin, tablet o laptop y unide te bi­blio­teca Oswald von Wolken­stein te Sëlva. N sada ai 19 y 26 de utober y ai 9 de nuvëm­ber dala 09:00–12:00 y de lunesc ai 21 y 28 de utober y ai 11 de nuvëmber dala 18:00–21:00, sarà l espert Werner Messner iló a ve judé. L servisc ie debant y n ne à nia drë’ de se lascé nuté su. Metù a jì dal KVW Sëlva.

Cursc
Atualmënter
Curs de ginastica
L KVW de Sëlva mët a jì dai 25.09. nchin ai 13.11. n curs de ginastica cun la referënta Karin Moroder, uni mierculdi dala 20:00 nchin la 21:00 tla palestra Pranives te Sëlva.
Atualmënter
Café dla rujenedes
Tla bibliotech S. Durich a Urtijëi vëniel tenì nchin ai 20 de nuvëmber l café dla rujenedes: de merdi dala 09.30 per franzëus cun Louise y dala 15:00 per spanuel cun Chiara, de mierculdi dala 09:30 per nglëisc cun Nicky. N possa unì zënza se nuté su danora. Na cunescënza de basa ie bënududa.
Atualmënter
Balé per ëiles sëura i 50
L KVW de Urtijëi mët a jì uni lunesc dala 16:30 nchin la 17:30 tla sala de Calonia a Urtijëi ancuntedes de bal y muvimënt per ëiles sëura i 50 ani. La prima ancunteda ie bele stata ai 7.10., y les jirà inant nchin ai 02.12.
14. y 21.10.
Curs de autodefenüda personala
La Uniun Ëres San Martin y le Consëi de formaziun da San Martin mët a jí n curs por imparé da se defëne, cun l’istrutur de autodefenüda y karate Luigi Bellotto. Le curs vëgn tigní i lönesc ai 14 y 21 d’otober dales 19:30 ales 21:00, tl salf di stödafüch a San Martin de Tor. Iscriziuns anter i 12 d’otober al nr. 339 3115679. Cost por les döes sëres: 10,00€ a ce.
15.10.
Gherlanda de ciüfs, fostüs y fëies sëces
Domisdé cun Johanna Clara, or­ganisé dales Patrones dl co­mun da San Martin. An s’in­cunta en mertesc ai 15 d‘o­to­ber dales 14:00 ales 16:00, tl salf di stödafüch a San Martin. Al é da se tó para na forfesc da lauré t’urt y na forfesc normala.
15.10.
Curs de Chitara
L curs de chitara per granc che scumëncia unirà metù a jì for de merdi, dai 15.10. nchin ai 17.12. dala 09:00–10:00 tla Scola de Mujiga a Urtijëi. Referënt: Otto Della­go, pra chël che n possa nce se scrì ite no ncuei, 11.10.: 338/4693944.
16.10.
Curs de bal Fox
La Grupa da Bal Populer Sëlva y S. Cristina mët a jì n curs de balé Fox tla sala dla Cassa Raiffeisen S. Cristina, cun l studio de bal Gaetano y Anny. L Curs mët man ai 16 de utober dala 20:00–22:00 y jirà inant per mo cater iedesc (23.10., 06.11., 13.11., 20.11.). Per nfurmazions y iscrizions: 339 8364977.
25.10.
Curs de ultim aiüt
Le curs vegn tigní a San Cia­scian te calonia basite, en vëndres domisdé ai 25 d’oto­ber, dales 14:00 ales 18:00. Prëibel s’anunzié danfora y cina ai 18 d’otober al numer de telefon 0474 586155. Le curs vëgn tigní cun n min. de 6 y n max. de 12 porsones y al é debann.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
15.10.
Sport ladin
Dales 20:50 ca. Program de Diego Clara y Hartmann Mair­­hofer, a cura de Leo Senoner.
16.10.
Trail spezial: 30 ani UNIKA danter tradizion y inuvazion
Dales 20:50 ca. Nasciuda ora de n bujën te n tëmp de crisa dl artejanat artistich, possa UNIKA aldidancuei mustré su na storia de suzes. Al mu­mënt se njinia i cumëmbri per l’edizion de iubileum dla mostra, che unirà a se l dé de setëmber. Y tol l’ucajion per fé vel reflescion sun n percurs, che à giaurì pruspetives nueves per l’ert dl ziplé te Gherdëina. A cura de Martina Rier.
17.10.
Nosta scola – atualità dala scoles dla valedes ladines
Dales 20:50 ca. Tesc’ y cunzec de Lena Mulser, camera y tai de Hans Peter Karbon, a cura de Alessandro Dapunt.Pro­gram de Lena Mulser y Hans Peter Karbon, a cura de de Alessandro Dapunt.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
12.10.
Momënc de vita – intervista a Clemente Clara
Dales 19:05. Clemente Clara é nasciü y chersciü sö tla vila de Seres a Lungiarü olache al vir ciamó aldedaincö. Cle­mente nes cunta de süa gran familia, dla vita sön le lüch da paur canche al ê n te möt y dles scores che al á fat. N program de Erika Castlunger.
13.10.
Muay Thai – nce te Gherdëina
Dales 19:05. Muay Thai ie n sport de cumbatimënt y n’ert marziela che vën dala Thai­landia. Da trëi ani incà vëniel fat Muay Thai nce te Gher­dëina. L ie na bela cumpëida de mutons, jëuni y manco jëuni che se dà ju cun chësta ert de cumbater, mparan y miuran si capaziteies fisiches y psichiches, ma nce l respet y la disciplina che à na gran mpurtanza tl Muay Thai. Te chësta ntervista spiega l istru­tëur, arbiter y tecnich federel Matteo Forni de Sëlva cie che ie Muay Thai, la regules y la filosofia dovia. Trasmiscion de Sofia Stuflesser
16.10.
Jent da zacan: Valeria Jellici, maestra de vita
Dales 19:05. Na maestra de scola e maestra de vita che se à troà a viver e cognoscer la Gran Vera e ence l grief mo­ment del fascism olache ela apede a de etres l’à didà fora l comandant Richard Löwy, ofizièl austro-ungarich de religion ebraica stat a Moena endena la Gran Vera e sciampà a Moena da Viena endena l nazifascism. Program de Anna Mazzel e Anelise Vian
17.10.
Na spazirada che resta tl recort
Dales 19:05. Sonja Leitner é na portamunt, che cun tröpa pasciun por so laur, porta ite te sües escurjiuns tematiches culturales, stori­ches, ambien­tales y cotan lapró. N program de Sara Frenner.

Dotours
Dutor Gherdëina
L dutor de servisc da n sada ai 12.10. dala 08:00 daduman nchin la 08:00 daduman de n lunesc ai 14.10. ie la dutu­rëssa Janine Santifaller, che ie da urté tl ambulature dla dr.ssa Cordula Weber a Urtijëi, streda Trebinger 10, tel. 377/3132223.
Doturs Val Badia
Tla fin dl’edema di 12 y 13 d’otober él en sorvisc ti cin’ comuns dla Val Badia la do­turia Margherita Righini, tel. 348 6351943.

Apoteches
Apoteca Gherdëina
L’apoteca de servisc ora dl orar urdiner de giaurida da n vënderdi ai 11.10. nchin n vënderdi ai 18.10. ie chëla de Sëlva, tel. 0471/795142 o 333/1776615, (davierta dala 8.30 - 12.30).
Apoteca Val Badia
L’apoteca en sorvisc fora dl orar ordinar, dal vëndres ai 11 de otober dales 19:00 al vëndres ai 18 de otober ales 19:00, é chëra da Corvara, tel. 0471 830237.

Chino
Atualmenter
Al chino de Tieser
Anché, vender ai 11 e doman, sabeda ai 12 da les 21:15 l é »Joker folie à deux«, sabeda ai 12 e domenia ai 13 da les 17:15 l é »Il Robot selvaggio«, domenia ai 13 da les 20:30 l é »Vermiglio« e jebia ai 17 da les 21:15 per la rassegna ‘Il piacere del cinema’ l é »Campo di battaglia«. Program su www.cinematesero.com.
18.10.–15.11.
Literakino
Tla biblioteca de San Durich vëniel inò metù a jì la sëires de films »Literakino«, for de vënderdi ai 18 y ai 25 de utober y ai 8 y 15 de nuvëmber, for dala 20:00. L program plu avisa di films che unirà mu­strei ie da udëi te bibliotech, ulache l ie nce julantins da pudëi se tò pea.

Referac
15.10.
»Zero refodam« tla vita da vignidé
Chësc é le titul de n referat cun Maria Lobis, en mertesc ai 15 d’otober dales 20:00, tl salf dla Raiffeisen a Al Plan. An ciafa consëis pratics y strategies por smendrí le refodam tla vita da vignidé y por mioré les usanzes de vita devers la sostenibilité.
17.10.
Blava per la vita
L KVW de Sëlva mët a jì n curs per fé pan de farina grossa (Vollkorn) cun Gertrud Gum­merer, n juebia ai 17 de utober dala 14:00–19:00 tla Pitla Sala dla Cësa de Cultura de Sëlva. Per nfurmazions y iscri­zions: da Rosmarie tla butëiga Sartëur o cherdan su l 333 167 1486.
18.10.
Le monn dl’energia renovabla
Le Comun de Badia mët a jí en vëndres ai 18 d’otober dales 20:00 n referat, tla Ciasa Run­cher a Badia. Le referënt René Tolpeit pitará na »intro­duziun tl monn dl’energia renovabla«: fotovoltaich, pumpa por le cialt, staziun da ciarié, comu­nité energetica, ez.
19.10.
Lëuratuere de sciumenté
La referënta Heidi Mair mus­trerà coche n sciumenteia (räuchern) y spligherà per cie che chësta vedla tradizion ie de utl: n sada ai 19 de utober dala 10:00 tla biblioteca de San Durich a Urtijëi. L work­shop ie debant, ma n à gën sce n se nunzieia dant.

Segres y Festes
13.10.
Segra Sacun
La segra tradiziunela sa Sacun sarà n dumënia ai 13 de uto­ber. La Santa Mëssa sarà dala 08:00 tla dlieja da Sacun y daldò jiràla inant cun festa, mujiga y sambën nce da maië y da bever.

Sport
12.10.
HC Gherdëina vs. HK Celje
Duman sada ai 12 de utober dala 19:30 tl stadio Pranives de Sëlva saràl la partida dl campiunat AHL danter l Hockey Club Gherdëina y l HK Celje.
16.10.
HC Gherdëina vs. EC Bregenzerwald
Tl stadio Pranives de Sëlva saràl n ai 16 de utober dala 20:30 la partida dl campiunat AHL danter l HC Gherdëina y l EC Bregenzerwald.
19.10.
HC Gherdëina II vs. AHC Vinschgau Eisfix (IHL Divijion I)
L HC Gherdëina nvieia ala partida de Seria C contra l AHC Vinschgau Eisfix, ai 19.10. dala 20:30 tl stadio Pranives te Sëlva.
20.10.
FC Gherdëina vs. SG Latzfons/Verdings
La partida de juech al palé de campiunat de Prumozion sarà ai 20 de utober dala 15:30 tl zënter sportif Mulin da Coi. Ntreda: 7,00 €.

Temp Lede
Atualmënter
Culinarium Urtijëi
Urtijëi ie cunesciù nce per si gran varietà culinaria. Nchin ai 13 de utober, piterà i restau­ranc cëines rafinedes, spëisa tradiziunela de Südtirol o ladina, ma sambën nce spëisa dla Talia y pizza. La strutures che fej pea ie: Costamula Restaurant, Restaurant Pizze­ria Mauriz Keller, Stua Cato­res, Restaurant Tubladel, Hotel Genziana, Ustaria Da Checco, Café Restaurant Val d’Anna, Zicoria Brasserie, Restaurant Pizzeria Lamm, Restaurant Mont Sëuc.
Atualënter
Cërtl de letura cun Nicoletta
Tla biblioteca de San Durich a Urtijëi vëniel liet deberieda l liber de Francesca Melandri, »Piedi freddi«, uni lunesc dala 18:00. L cërtl ie debant y duc possa fé pea.
Atualmënter
Ora de la set mesures
La Lia dl Teater Sëlva nvieia a unì a ti cialé a chësc pez da rì. La reprejentazions sarà mo ncuei, vënderdi ai 11 de utober dala 20:30, dumënia ai 13 de utober dala 17:00, mierculdì ai 16 y sada ai 19 de utober dala 20:30. Chertes danora giàpen cherdan su l Minishop Sëlva al numer 0471 773133 (mé danmesdì). La Lia dl Teater Sëlva se ncun­forta sun vosc unì, ajache l sarà ORA DLA SET MESU­RES da rì!
12.10.
Marcià Bio
La Lia per Natura y Usanzes nvieia al Marcià Bio n sada ai 12 de utober dala 8:30 inant, sun Pitla Plaza de Sant Antone a Urtijëi.
14. y 15.10.
Marcià di libri adurvei
Coche da tradizion meterà la trëi biblioteches publiches dla valeda nce chëst ann a jì l marcià di libri de Segra Sacun a Urtijëi tla Cësa di Cungresc, dan l ufize dla Lia dl Turism. L scumëncia n lunesc ai 14.10. dala 8:00 daduman y ie daviert nchin la 18:00 y n merdi ai 15.10. sarà daviert dala 8:00 ala 12:00 y dala 14:00 ala 18:00. N mierculdi ai 16 de utober dala 8:00 nchin la 12:00. I libri unirà vëndui a 1€ per liber. I scioldi che vën trac ite unirà pona inò dac ora per l bën dla trëi biblio­teches.
14.10.
Marcià de Segra Sacu
Coche da tradizion uniràl chëst ann inò a s’l dé l marcià tradiziunel de Segra Sacun, n lunesc, ai 14.10. dala 8:00 inant tres dut l raion da jì a pe y sun la plazes de Urtijëi. L sarà nce de plu lies che pieta da maie y da bever per se tré ite velch.
14.10.
Armonia por corp y anima
La Uniun Ëres Calfosch in­viëia en lönesc ai 14 d’otober dales 19:00 a na serada medi­tativa cun Elisabeth Ober­bacher. Tó pert pó cina 10 por­sones, s’anunzié pro Re­gina al 345 3411991.
16.10.
Laboratore creatif »I tiers di andri«
Le Museum Ladin inviëia mitans y mituns dla elemen­tara a n laboratore sön »I tiers di andri«, en mercui ai 16 d’otober dales 15:00, tl mu­seum a San Ciascian. Le curs é limité a 15 partezipanc, le prisc é de 5,00€ a möt. Infos y iscriziuns al 0474 524020 o ala mail prenotaziuns@museumladin.it
19.10.
Marcià dl adurvà
L VKE Gherdëina mët a ji nce chëst ann l »Marcià dl adurvà, ma mo da pudëi avëi«, n sada ai 19 de utober dala 09:00 nchin la 12:30, tla Cësa de Chemun a Santa Cristina.

Sozial
Atualmenter
Tango, per stèr miec a ogne età
L Servije sozio-assistenzièl del Comun General de Fascia adum con la sociazion ‘Tango al buio’ endreza 2 corsc de tango che pea via te Oratorie de Poza ai 17 de otober, da les 16.15 a les 17.45 per i over 65 e da les 17:45 a les 19:15 per duc. Info al 0462 764297.
Atualmenter
Mostra sul Alzheimer a Poza
L Servije Sozio-Assistenzièl del Comun General de Fascia, adum col Comun de Sèn Jan, à endrezà la mostra de foto­grafies en bianch e neigher ‘quotidiani paralleli’ de Luca Chistè enlongia ruf de Sèn Nicolò a Meida che se pel veder enscin ai 16 de otober. Chiò l é ence la spazirèda ‘Amica de la Persones con Demenza’ con segnèi e ban­ches aldò fates da la Coprativa Oltre.
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosa­nitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é da­verta vigni secunda jöbia, dales 9:30 ales 10:30. Le pro­scim termin é ai 24 de otober. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc ser­visc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
11.10.
Jita sa la Trostburg a Pruca
La grupa »Deberieda« nvieia a na jita sun la Trostburg. N se anconta ncuai, vënderdi ai 11 de utober dala 14:00 dan la Cësa de Paussa a Urtijëi. »Deberieda« ie na grupa cun ulenteres, per se ancunté dan­ter persones che à problems psichics o de sozialisazion.
21.10.
La Ciasa de l’Armonia
L Servije sozio-assistenzièl del Comun General de Fascia en lunesc ai 21 de otober da les 17:30 ge prejenta a duta la comunanza la Ciasa de l’Armonia, na stua con aparac tecnics per la stimolazion sensorièla, l benstèr e l dida­ment te desvaliva sort de desabilità, realisèda te Oratorie de Moena col finanziament de la Fondazion Caritro e gestida da Anffas Trentin.

Religion
12.10.
»Jesus, Kids & Teens«
A duc i mutons y jëuni, dala terza elementera inant y duc chëi dla mesana! Da nëus ëis la puscibltà de viver l crëidum deberieda te na cumunità. Fajeron de biei workshop, adurazions, l sarà nce aurela curta cun devertimënt y mu­vimënt, chiet y reflescion, referac nteressanc. Te sala dla Schiera Junila te calonia de Sëlva, dala 16:00-17:30.
13.10.
Daurida dl’Edema dla Fede tla Val Badia
La Unité Pastorala Val Badia inviëia al’Edema dla Fede, dai 13 ai 20 de otober, sot al tema »Les beles espresciuns de fede: musiga, leteratöra, ert y natöra«. La edema mët man chësta domënia ai 13 d’otober dales 16:00, cun la mëssa de daurida a Oies.
14. – 18.10.
Referac por l’Edema dla Fede
L’Edema dla Fede tla Val Badia prevëiga cater referac: en lönesc ai 14.10. dales 20:00 él tl salf dl Istitut Ladin a San Martin le referat »Musiga y fede« cun Agnes Irsara; ai 15.10. dales 20:00 tl salf dles manifestaziuns d’Al Plan él don Rinaldo Ottone che baia de »Natöra y fede«; ai 17.10, dales 20:00 nen vára tl salf dles manifestaziuns da La Val de »Leteratöra y fede«, cun Carlo Suani; ai 18.10. dales 20:00 él tl salf dla Raiffei­sen a La Ila le referat »Ert y fede« cun Danila Serafini.
20.10.
Conclujiun dla Edema dla Fede
La Edema dla Fede tla Val Badia vá a piz en domënia ai 20 d’otober dales 16:00, te dlijia da San Martin, cun n conzert cun i cors da San Martin, La Val, Corvara y La Ila.

Mostres y Ert
Atualmënter
Mostra »De blòc y de ntorc«
Tl Café Surëdl a Urtijëi vëniel metù ora na mostra dal titul »De blòc y de ntorc«, cun chedri de Erich Mussner, Livio Comploi, Flavio Prinoth y Georg Demetz. La mostra sarà da udëi ntan i orares de giaurida, dal lunesc nchin al vënderdi, 09:00–19:00.
Atualmënter
»Testimunianzes dl Tëmp«
La mostra »Testimunianzes dl Tëmp«, na mostra dla galaria Vijion ora Puntives de Bruno Vallazza y Christian Kaufmann, resta davierta nchina ai 21 d’utober, for dal lunësc ala sada dala 4 ala 7 domesdi o cherdan su l nr. 338 2098697.
Atualmënter
Mostra de fotografies »True’ de massa«
L Fotoclub Gherdëina mëet a jì na mostra de fotografies dal titul »True’ de massa«. La giaurida ie ncuei, vënderdi ai 11 de utober dala 20:00 tl self dl Circolo–Lia Mostra d’Ert a Urtijëi. La mostra resterà da udëi nchin ai 14.10., de lunesc dala 09:00–17:00 y de vënderdi nchin dumënia, 10:00–12:00 y 16:00–18:00.
Atualmënter
Mostra: »Countdown to mass extinction?«
Le Museum Ladin inviëia da jí a ti ciaré ala mostra speziala »Countdown to mass extin­ction?«, che é da odëi fina ai 3 de novëmber tl Museum Ciastel de Tor. La mostra se dá jö cun la plü gran estinziun de massa tla storia dla tera, en relaziun cun la crisa clima­tica da sëgn.

Mujiga
12.10.
Musega live jazz a La Grenz
En sabeda ai 12 de otober con scomenz da les 21:30 la sociazion de cultura e musega La Grenz met dant te sia senta te strada de Saslonch a Moena, n conzert live de musega jazz, omaje a Miles Davis con la Grenz Quartet: Giampaolo Casati (tromba), Gianluca Tagliazucchi (piano), Franco Testa (contrabas) e Enrico Tommasini (bateria).
12.10. y 19.10.
Shake it off
Te doi ancuntedes jon sun n viac de scuvrida de nosta forza de esprescion criativa tres l muvimënt. Scasseron demez la vita da uni di, se dedicon a nëus. Mpareron a ti scuté su al corp, recunëscer emu­zions y ti dajeron a chël che ie tlo esprescion cun nosta rujeneda persunela dl bal. Tres eserzizies da juech y sessions nteratives renfurzons nosta criatività y nosta cunfi­dënza. L curs unirà tenì da Johanna Delago. Deplù nfur­mazions da Linda sot al numer 333 209 6834. Iscrizion nchin ai 10 de utober sot a www.pro-gaia.net
18.10.
»Kroft Singen«
La Lia Gaia mët a jì chësta manifestazion de mujiga ai 18 de utober dala 18:30 tl local Matada tla Cësa di Cun­gresc a Urtijëi. Referënt: Alex Unteregger. Per nfurmazions: Isabella 338 526 9906. L ne ie nia de bujën de se nuté su. Cost: dunfierta liedia, l fajëssa legrëza sce l fossa za. 10 €.
18/20.10.
Le Lingue Morte live
En vender ai 18 de otober con scomenz da les 20:30 te la senta de La Grenz, strada de Saslonch a Moena, vegn en­drezà n conzert de Le Lingue Morte live con Armando Re­baudo, Mario Färber, Enrico Tommasini e Roberto Dassala. Le Lingue Morte sarà a La Grenz ence en domenia ai 20 de otober da les 16:00 per bec e penscioné.

Iadi y Jites
19.10.
Juta cun Törggelen
La Lia da Mont de Gherdëina met a jì n sada ai 19.10. la jita tradizionela cun Törggelen. N furnerà cun la curiera nchin a Vals, da ulache n jirà su do l Leitersteig y inant nchin pra la utia Bacher, ulache l sarà la marënda. Daldò jiràn inant nchin a Maransen, ulache n se ferma a Törggelen. L sarà nce na mujiga che sona dal vif. L ie na jita de za. 4 ëura cun n deslivel de 400 m. Iscri­zions: da n lunesc ai 14.10. nchin a n juebia 17.10. tres whats­app da Monica, 339 6563015.
03.11.
Cures y palses a Abano Terme
Dai 3 ai 10 de novëmber vëgnel organisé n iade cun le bus a Abano Terme. Le iade costa 720,00€ a ce te ciamena dopla, 790,00€ te ciamena singola. Al é da s’anunzié anter i 25 d’otober pro Monica Costa al 0474 590069 o le 348 9604485.