La Usc di Ladins

Nia smaché, ma adurvé inò: cun chësc moto àn n sada ai 23 de nu­vëmber urganisà l marcià dl barat de guant dl Saut a Urtijëi. La mani­festazion che n à fat danmesdì ie unida metuda a jì dala Nëus Jëuni Gherdëina, che à abù l'idea, y dala Lia per Natura y Usanzes, che sustën chësta manifestazion ajache l ie na lia sustenibla. N à pudù purté nchin a diesc cosses de furnimënt, y nce se tò pea zeche sce n à abinà velch de blòt. L ie nce stat l mesun de vënder velch da furnì, sce l fova zeche mpue plu de bel o de nuef.
La vize-presidënta dla Lia per Natura y Usanzes Julia Perathoner nes à cuntà: »L guant che n à pudù purté ne pudova nia vester rot o da ledam y, sce la jiva, daussòvel nce vester de mesan­mënter na bona cualità. L tucova mefun da vester guant che pudëssa nce ti plajëi a zachei d'autri, nia zeche che n uel mé nia plu avëi te castl«.

Julia Lardschneider

Deplù n con' de chësc tl'edizion atuela de La Usc di Ladins.