La Usc di Ladins

Vigni uniun de n paisc á na gran importanza y dëida porté inant le spirit de comunité. Na uniun se damana tröp impëgn, tröc sforc y ince val’ renunzia. Sce le cör bat por na uniun, spo ne pësa döt chësc nia tan. Y al é dërt che al vëgnes ince recordé le patron dles uniuns. En domënia de Santa Zezilia, ai 24 de novëmber, á le Cor de dlijia da Lungiarü podü festejé süa patrona, adöm a döta la comunité. Santa Zezilia é la patrona dl cianté y dla musiga sacrala y vëgn recordada vigni ann ala fin de novëmber.
Le Cor de dlijia da Lungiarü á en chësc ann albü na rajun implü da festejé: al á ince orü recordé i 60 agn de sorvisc söl orghe de dlijia de Pio Pescoller.

Deplü nes cunta Elisabeth Erlacher t’La Usc di Ladins di 29 de novëmber