La Usc di Ladins

La partida à scumencià cun druch: tl sesto menut à Mirko Demez trat te porta do n passaje de Rifesser. L
arbitradëur à sciblà oradejuech. Riesc do à la scuadra dl Schenna jugà te na maniera agressiva, mustran
truepa de bela azions. Danz che la ti ie nia jita fata davia che l verdaporta dl Gherdëina Lukas
Demetz ie stat bon de paré la trates. Tl 20ejim menut à l Gherdëina giapà la tenida dla partida tres n gol
de Mirko Demez, do che Jan Martin Vinatzer ti à fat n bel passaje: 1 a 0 per l Gherdëina.

Duta la relazion dl juech pudëis liejer tla edizion atuela de La Usc di Ladins. La proscima partida de
Prumozion ie ncuei contra la scuadra Naturns dala 14:30, ora de cësa.