La Usc di Ladins

N enteressant projet de cinematografia à trat n pent anter i joegn ladins de Fascia e i joegn sardi de Cagliari. Se trata del premie Kentzeboghes (dal sard ‘zenza oujes’), na scomenzadiva che engaissa la pro- duzion de cortometrajes ti lengac de mendranza recognosciui da la lege 482/99. Dut l é nasciù da na proponeta del Istitut Cultural Ladin Majon di Fascegn, leèda a la Sociazion Babel de Cagliari che da 14 egn la endreza l Babel Film Festival, che à tout ite la sociazion Inout. L é stat metù su l projet Troupes, col finanziament de La Risola: 25 joegn anteri16ei25egnseàbinàfora per chest an per se arvejinèr al lengaz cinematografich e i metù ensema l curt ‘Al dì de doman’.
Chest film é stat prejentà per la pruma outa proprio a Cagliari te n event endrezà da Babel dal titol ‘Davegnir impari’. col grop de mu- sega Popcorner. Te chesta ocajion l é stat portà ence n auter film ‘La gran lavada’. Ades l projet va inant te Fascia per meter ju l bando per l prum premie Kentzeboghes che met a la leta oportunità de crescimonia e de confront per duc i joegn de medranza.

L projet Troupes vegn prejentà en domenia ai 24 de november da les 5 domesdì te Sala Grana del Istitut a Sèn Jan, olache per la pruma outa te Fascia vegnarà ence proietà i filmes »Al dì de doman« e »La gran lavada«. 

De più su La Usc stampèda de en vender ai 22 de november.







 (Thomas Zulian)