La Usc di Ladins

L é stat desche semper n bel moment per stèr adum per i sozi de Bela Ladinia, chel de la radunanza generèla che en sabeda ai 16 de november la i à biné a Soraga te la bela sala metuda a la leta da la Coprativa de Fascia.

Aldò de na formula pissèda jà da vèlch an, l é stat endrezà na sort de ‘open day’ e per dut l domesdì i sozi i à podù jir a tor o cerner massaries o fornimenta per d’invern, che la sociazion ge propon ai sozi a priesc de favor travers convenzions con desvaliva firmes.

Chest’outa l é stat ence dì de litazions. La neva presidenta de Bela Ladinia l é Sara Merighi, che do 10 egn desche secretèra la tol su donca la redenes de la sociazion. Sara l’à rengrazià l president e amich Mauro Sommavilla, che l seghitarà aboncont a restèr apede tel Diretif e a didèr a portèr inant la ativitèdes envièdes via.

De più su La Usc stampèda de en vender ai 22 de november.  (Lucia Gross)