La Usc di Ladins

Júlía y Manuel Piazza de Urtijëi jadinea permò deberieda da juni de chëst ann y nce sce l ie mo scialdi da se miuré dal pont de ududa dla tecnica, fova l team di trainadëures a una de scumencé bele chësta sajon cun la prima garejedes. De juni, canche Manuel ova scumencià si culaburazion cun la jëuna Júlia dla Islanda òvel mo dit: "Nëus ne fajon niancanó i guanc". L ne ova nia de gran aspetatives y ne pensova nia de fé garejedes mpurtantes.

Nscila se à i doi atlec, che reprejentea l Islanda, l ultim fin dl'ena prejentà per l prim iede sun dlacia pra na garejeda nternaziunela ISU. Si ubietif fova chël de fè na bona garejeda y purvé a fé ponc per campiunac europeics y la ti ie garateda. I 75,81 ponc arjonc tla pert tecnica ti dà l dërt a Júlia y Manuel de tò pert pra i campiunac europeics de jadiné artistich dai 28 de jené ai 2 de fauré a Tallin tla Estonia. Chësta ie na grandiscima sudesfazion per i doi atlec y per dut l team.

USC

L articul ntier tla edizion nueva de La Usc di Ladins de n vënderdi ai 22 de nuvëmber.