La Usc di Ladins

La möria di lëgns nes fej na gran impresciun; i bi lëgns vërc mëss secé y morí. Ince nosta vita é destinada a secé y morí; tan da incrësce. Mo la festa de Gnissant nes lascia speré tla vita nöia, la dërta vita. Gnissant é l’ocajiun olache les families röia adöm y la comunité dl paisc, te dlijia y te cortina; incuntades cun tan de recorc y sentimënc y pinsiers.
Gnissant cun la festa de düc i Sanc nes deura la porta al lominus dl gran travert, ala dërta vita. Y cal sará pa nosc destin y chël de nüsc defunc? Tl bosch desdrüt vëigon bele sciöche al crësc indô sö le vert danü. San Paul nes dëida crëie che la mort vëgn surpassada dala vita: »I fosson bëgn zënza confort, sc’i n’esson nia la fede sigüda tla resso­ reziun.« Gejú instës s’á assiguré: »Iö sun la ressoreziun y la vita, chi che crëi te me, ará la vita ince tla mort.«
I Sanc nes slomina le tru ince fora por cortina, cun tan de corusc, cun tan de testemonianzes de vita. N bel piniser me sá ince chël dl’ul­ tima enziclica dl Papa, che mët al zënter le cör, le Cör de Gejú: Gejú ébundatidéncörachëstateray da ti dé vita al amur, olach’an arata ch’ara sides morta la forza da amé. Chësc cör dl bun Gejú bat por düc, decá y delá dla fossa.