La Usc di Ladins

N dumënia passeda ai 10 de nuvëm­ber à la Mujiga de Sëlva nvià via, cun la »Wiener Opernball Fanfare« de Karl Rosner, l cunzert tradiziunel de Santa Zezilia tla Cësa de Cultura Oswald von Wolkenstein te Sëlva. N cunzert dl dut particuler, coche se à desmustrà de viers dla fin, davia che l fova l ultim sot ala bachëta dl dirighënt Edi Gamper, che à ti ultimi nuef ani deriet la pert muji­ghela dla lia. 

Do la paroles de salut y rengraziamënt a duc i cumëmbri dla Mujiga per l gran cuntribut culturel y soziel ala cumënanza, à l ambolt de Sëlva Roland Demetz cunedì che Edi Gamper ne fajerà nia inant coche dirighënt dla Mujiga de Sëlva y che la ncëria sarà sëurandata a Alexander Perathoner. 

Per la mujiga de Sëlva, Sara Senoner

L articul tla edizion atuela de La Usc di Ladins.