La Usc di Ladins

Tl stadium dala dlacia a Trënt s’á desfiré tl’ultima fin dl’ede­ ma la competiziun FISG dl »Trento Cup 2024 Interclub«. Deplü é stá i atlec dl’Alta Badia y de Fascia, che á parte­ zipé ala gara cun so program, y che s’á ince porté a ciasa de bi plazamënc.

N iade implü á Lea Marie Castlunger dl Ice Club Alta Badia desmostré süa capazité sön i jadins, arjunjon le scalin dl podest plü alt cun 98.23 punc, tla categoria »Advanced Novice Girls«. Tla medema categoria á garejé por le Ice Club Alta Badia ince Marlene Tschaffert, che á arjunt le 10. post dla classifica cun 77.50 punc, tratan che Elisa Irsara á stlüt jö al 16. post cun 68.66 punc.
Tla categoria »Junior Man« s’á Matteo Marchioni da Fascia metü te gofa le miú resultat, se portan a ciasa le pröm post, tratan che Giovanni Pezzei á por püch injomé le podest, rovan sön le 4. post dla classi­ fica tla categoria »Advanced Novice Boys«.

Deplü da lí sura i plazamënc arjunc al Trento Cup 2024, ciafëise da lí tla ediziun nöia de vëndres ai 15 de novëmber!