La Usc di Ladins

I cronisć é chës porsones che s’un tol sura da scrí sö, documenté y abiné adöm material sön i avenimënc che sozed ti paisc ann por ann, cun le fin da i tigní sö por le generaziuns che gnará. N laur de gran importanza, te n monn busiënt olache döt vá tres plü snel y olache tröp vëgn massa debota indô desmentié. Passa 300 cronistes y cronisć él aldedaincö te Südtirol y bun 80 é rová adöm en vëndres dan otedé a Balsan, por tó pert al 25. De di Cronisć de Südtirol. Te chësta ocajiun él gnü presenté ofizialmënter le cronist provinzial nü Wolfgang Thöni y tut comié dala cronista Rita Thaler Wieser, che á albü la inciaria dal 2013 incá. Ince le cronist raional dla Ladinia Giovanni Mischí ti á sport n rengraziamënt a inom di cronisć ladins. Lapró él gnü porté dant l’ejëmpl de cater comuns, olache la colaboraziun danter cronist y Comun funzionëia bun. Mareo tocâ lapró.

Deplü t’La Usc di Ladins di 15 de novëmber  (pablo)