La Usc di Ladins

L é jà ora de pissèr al schi, l freit taca e se fèr sentir e i portoes pian pian se depenc de bianch. Ma l é zachei enveze che à tanche serà l usc de sia utia sa mont. La Baita Marino Pederiva sun Vael la é stata averta fin ai 10 de november. »De solit sere entorn la fin del meis de otober, ma chest an con cheste bele giornade che l à fat de november me é pissà de tegnir avert amò 10 dis - ne à contà l patron Marino Pederiva. L é ruà amò n muie de jent, soraldut turisć che vegn te Fascia per le terme o per le scomenzadive de bonstèr che à endrezà l'ApT. Ma l é ruà ence n muie de fascegn e de jent da Neva e é ciapà ence l rengraziament da l'ApT per aer tegnù avert e aer garantì l servije.

De più su La Usc stampèda de en vender ai 15 de november del 2024  (MCI)