La Usc di Ladins

Coche Patrick Demetz, cun Diego Kostner un di doi jugadëures de Gherdëina, nes à cuntà, àn n merdi y n mierculdi de chëst'ena passeda abù l'ucajion de purvé cosses nueves. La naziunela à cun Jukka Jalonen n trainer nuef y chël uel che l vënie jugà cun plu druch de viers dla porta di autri.

Ël porta, nsci Demetz, ite te scuadra truepa ideies nueves y ie n drë davani per la naziunela. Juebia àn po' abù l prim juech contra la Slovenia che n à venciù per doi goi a degun. Degun goi giapei uel sambën dì che n à fat dut drët, dantaldut dovia, chësc de gra al verdiaporta jëunn Daniel Clara y ai pecs. Patrick Demetz y si cumpanies ne à lascià pro nia, fajan avisa chël che l trainer ti ova nsenià i dis dant. Contra l Ungarn ne à Demetz nia fat pea, pra uni juech messova n valgun jugadëures paussé, che n ova tëut pea de ndut 26 jugadëures. Chësc juech à i azzurri venciù per cater goi a doi.

Trëi sun trëi
L ultimo juech contra l Polen à ënghe drët butà, nce sce n à giapà trëi goi, àn trat ca i trëi ponc ti n fajan ite cinch. Cun l Polen à nce Kostner fat n gol y n assist y Demetz n assist.
Dui trëi juesc venciui uel sambën dì, che n à purtà a cesa la vënta dl turnoi.

SPM

L articul ntier tla edizion nueva de La Usc di Ladins de n vënderdi ai 15 de nuvëmber.