La Usc di Ladins

La grupa Nosc Cunfin ti à mandà na resposta a La Usc n con’ dl articul dl cunliamënt danter Pana y Sautaria.

La scumëncia l comunicat cun: »L scrit dla sozietà dai lifc semea belau n manifest per salvé l mond. L vën mpermetù che l lift ne fossa belau nia da udëi, la ududa dla bela cun­treda ne unissa nia desturbeda, puecia emiscions de CO2, l desbus­camënt tuchëssa mé 2,9 etars, la cualità dl’aria se miurëssa y che l cunliamënt fossa cincënt nchin a mil metri de zes dala streda y dala fun­tanes dal’ega".

La grupa scrij. nce che: "La mpermetuda che l cunliamënt danter Pana y Sautaria ne fossa nia da udëi ne curespuend nia ala realtà. Menardrë chëi che va a pudejé mussëssa passé dodesc iedesc sot al lift ora. Feter l medemo fossa d’insta a jì a pe. La furnadoia messëssa passé sëura doi valedes y fossa da udëi cun si codles y cordes, lonc y lerch. Perchël ne curespuend nce nia la fotos publichedes tl articul ala realtà. Nia da desmincë ne ie i tieres che unissa desturbei dala fuera dut l di".

La grupa Nosc Cunfin scrij te si comunicat stampa ënghe velch n con’ dl trafich: »L trafich sëura l jëuf de Pinei iel aldò dla statistiches dla provinzia treicënt auti al di tla sajon da d’inviern, chël fej ora propi puech permez ai 16.000 auti al di te valeda. La maiuranza di auti vën da Pruca y Tluses ite. Per smendrì l trafich a livel de valeda dajëssel de miëura soluzions che chëla de ulëi l spusté su te n raion de scunanza naturela, te n raion mo de gheneda".

USC

L articul tla edizion atuela de La Usc di Ladins.