La Usc di Ladins

Religion
16.11.
»Jesus, Kids & Teens«
A duc i mutons y jëuni, dala terza elementera inant y duc chëi dla mesana! Da nëus ëis la puscibltà de viver l crëidum deberieda te na cumunità. Fajeron de biei lëuratueresc, adurazions, l sarà nce aurela curta cun devertimënt y muvi­mënt, chiet y reflescion, referac nteressanc. Te sala dla Schiera Junila te calonia de Sëlva, dala 16:00-17:30.

Mujiga
18.11.
Conzert de pesc »Hagios« cun Helge Bruggrabe
En lönesc ai 18.11. dales 19:30 él te dlijia da Gargazon le con­­zert de pesc »Hagios«, sot la direziun de Helge Burg­grabe. Ara se trata de n proiet da cianté adöm, che vá dal chît contemplatif al cianté sterch y a plü usc. Al vëgn cianté cianties cörtes y sau­rides dal »HAGIOS-Lieder­zyklus«, che porta inant te na manira inovativa la vedla tradiziun dl cianté di convënc y comunités sciöche Taizé. Materiai sön https://hagios.net – entrada lëdia.
24.11.
Conzert de Santa Zezilia
La Musiga y le Cor de dlijia d’La Pli de Mareo inviëia dër bel al conzert de Santa Zezilia, en domënia ai 24 de novëmber dales 15:00, te dlijia da La Pli.

Cursc
Atualmënter
Café dla rujenedes
Tla bibliotech S. Durich a Urtijëi vëniel tenì nchin ai 20 de nuvëmber l café dla ruje­nedes: de merdi dala 09:30 per franzëus cun Louise y dala 15:00 per spanuel cun Chiara, de mierculdi dala 09:30 per nglëisc cun Nicky. N possa unì zënza se nuté su danora. Na cunescënza de basa ie bënududa.
Atualmënter
Balé per ëiles sëura i 50
L KVW de Urtijëi mët a jì uni lunesc dala 16:30 nchin la 17:30 tla sala de Calonia a Urtijëi ancuntedes de bal y muvimënt per ëiles sëura i 50 ani. La ancuntedes jirà inant nchin ai 02.12.
20.11.
Stëres de stran tl Museum Ladin
Le Museum Ladin inviëia en mercui, ai 20 de novëmber dales 15:00 ales 16:30, tl MusLa Ciastel de Tor, por descurí la vedla tradiziun da fá stëres de stran y nen fá n valgönes instësc. Le laboratore é por mitans y mituns dla 3., 4. y 5. elementara y dla me­sana acompagná. Prenotaziuns a: prenotaziuns@musemladin.it o al 0474 524020. Le cost é de 5,00€ a möt/a.
06.12.
Cursc da nodé a La Ila
La US La Ila organisëia cursc da nodé cun Davide Moling y Heinrich Conrater, tla noda­doia da La Ila, dai 6 de dezëm­ber inant (indöt 7 in­cun­tades, nia tl tëmp da Nadé y Nanü). Al vëgn fat n grup por chi dla elementara y dui grups por chi dla scolina (agn 2019–20). Le cost é de 85,00€ a ce. Iscriziuns sön www.uslaila.it; infos a fitness@uslaila.it
13.12.
Cursc de paslunch
La scora de paslunch da San Ciascian mët a jí cursc de paslunch por scolars dla elementara y mesana. Al vëgn fat grups de skating, classich y prinzipianc. I mituns podará ince porvé fora le biathlon. Le curs mët man en vëndres ai 13 de dezëmber dales 14:00, tl zënter de paslunch a San Ciascian. Al vá inant indöt 10 iadi, vigni vëndres 14:00 – 16:00. Iscriziuns a https://scuolafondo.it/cursmituns.

Iadi y Jites
30.11.
Jita al marcià da Nadel a Rattenberg y a Alpbach
L KVW de Sëlva mët a jì na jita tl Tirol, a Rattenberg, ulache n jirà a ti cialé ala Kisslinger Kunstglasfabrik. Chi che uel possa nce vijité l Augustiner Museum. Do na bona marënda furnons tla valeda de Alpbach a ti cialé ala bela cëses tradiziuneles. Domesdì jiràn pona a fé na raida sun l blòt marcià da Nadel de Rattenberg. L vën pià via dala 8:00 dan la Cësa de Cultura te Sëlva y n sarà de reviers ntëur la 21:00. Priesc per la curiera y la ma­rënda: per cumëmbri 60€, per nia cumëmbri 70€. Iscri­zions pra Rosmarie tla butëiga Sartëur (tel. 333 1671486).

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Atualmënter
Nadel te na scatula dai ciauzei
Nce chëst ann vëniel metù a jì l’azion per ti purté mpue de legrëza a mutons de paejes pueresc. N possa dé ju i pache­tli tla biblioteches de Gher­dëina nchin ai 18 de nuvëmber. N possa mplenì una o nce de plu scatules cun de pitla scin­cundes, scrijan sun na eticheta sce l ie per n mut o na muta y per ciuna età: 2-4 ani, 5-9 ani o 10-14 ani. Adatà fóssel a les mplenì cun n mescedoz danter roba per scola, de igiena, velch da guant. Sam­bën ie zeche da se tripé for bënudù. Sun i julantins o sot a www.weih nachten-im-schuhkarton.org iel da abiné cunsëies n chësc cont.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cher­dan su: per Urtijëi l 320 7234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
22.11.
Deberieda: Jita a Tluses
La grupa »Deberieda«, na grupa per se ancunté danter persones che à problems psi­chics o de sozialisazion cun ulenteres, mët a jì na jita a Tluses. N se anconta n vën­derdi ai 22 de nuvëmber dala 14:00 dan la Cësa de Paussa a Urtijëi.

Dotours
Dutor Gherdëina
L dutor de servisc da n sada ai 16.11. dala 08:00 daduman nchin la 08:00 daduman de n lunesc ai 18.11. ie l dutor Pablo Policastro tl ambula­tuere di dutores Kostner/We­ber, a Urtijëi tla streda Trebin­ger 10, tel. 366 3646 254.
Doturs Val Badia
Tla fin dl’edema di 16 y 17 de novëmber él en sorvisc ti cin’ comuns dla Val Badia le dotur Alberto Caretta, Badia, tel. 0471 839706 y 380 3161999.

Apoteches
Apoteca Gherdëina
L’apoteca de servisc ora dl orar urdiner de giaurida da n sada ai 16.11. nchin n vën­derdi ai 22.11. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 15 de novëmber dales 19:00 al vëndres ai 22 de novëmber ales 19:00, é chëra da La Ila, tel. 0471 847152.

Teater
Atualmenter
Sajon teatrèla de Fiem
L é tacà ite la sajon teatrala de Fiem con n grum de apun­tamenc ti teatres de Tieser e Pardac. En vender ai 22 de november da les 20:45 te teater de Pardac la compa­gnia Teatri di Bari porta dant »Paolo Sor­rentino vieni ti devo dire una cosa« n spetacol de Giuseppe Scoditti con la regia de Ga­briele Gerets Albanese.
Atualmënter
Teater Urtijëi: »Tuesse y zandli«
La Lia Teater de Urtijëi nvieia de cuer ala reprejentazions dl pez »Tuesse y zandli« de Joseph Kesselring, sot ala regia de Marlis Moroder y Luis Mahlknecht. L sarà mo doi reprejëntazions: ncuei, 15 de nuvëmber dala 20:00 y n dumënia ai 17 de nuvëmber dala 18:00, for tla Cësa di Cungresc a Urtijëi. Chertes danora: theatergroeden.com/tickets o cherdan su l 389 6767333.
Atualmënter
Teater a La Pli
Le Teater La Pli presentëia le teater da rí »Na frizia de fortüna«, sot la rejia de Franz Rigo. Dates dles rapresenta­ziuns: sabeda 16.11. dales 20:00; domënia 17.11. dales 15:00 y sabeda 23.11. dales 20:00, dagnora te Ciasa dles Uniuns a La Pli. Les chertes pó gní comanades danfora al 389 8158382 (dales 17:00 ales 20:00).
Atualmënter
Teater a Corvara
La Uniun Teater Calfosch presentëia le teater da rí »Para­isc y Infern«, sot la rejia de Annemarie Schenk. Rapre­sentaziuns: incö 15.11. dales 20:30, domënia 17.11. dales 17:00, mercui 20.11. y vëndres 22.11. dales 20:30, dagnora tl salf dles manifestaziuns da Corvara. Prenotaziuns plü ion tres »WhatsApp« al 342 9284675 (a usc ma dales 19:00 ales 21:30).
15.11.
Conzert spetacol sul Alzheimer
L’A.P.S.P. de Fascia endreza insnet, vender ai 15 de novem­ber da les 20:30 te teater del Oratorie de Poza, l conzert spetacol »Attraverso i tuoi occhi« che met ensema la musega a la paroles sul tem del Alzheimer: ousc Giovanni Dallapè e Luca Pedron, pianofort Stefano Bonatti con l intervent de la dotora Paola Maria Taufer.

Avisc
Atualmenter
Open day ai Licees de Fascia
Anché, vender ai 15 de novem­ber, e vender ai 13 de dezem­ber da les 14:00 a les 17:00 i studenc e i dozenc del Liceo di lengac, scientifich e artistich de la Scola Ladina de Fascia ve speta per ve moscèr la scola, i laboratories e i desvalives projec che vegn portà dant.
Atualmenter
I oraries de Pedies
Se pel veder Pedies sul canal 10 de la televijion Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal l é semper a la leta orian co la friza en su i sotcanai HBBTV, sot la ousc TML. Duc i video e filmac dac fora dal Comun General é ence sul canal Tv Ladina de Youtube.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cumëmbri dla Lia Gaia.
17.11.
Stories e festa col Grop Ladin
En domenia ai 17 de november da les 16:00 te sala Simon Maza de la scoles de Moena l Grop Ladin, ensema a l’Uni­on di Ladins, endreza n mo­ment per si sozi: vegnarà portà dant l numer spezial de Nosha Jent »Storia de amor e de fadie« de Isabella Iellici de Penia e rejonarà Olimpia Rasom e Christian Bernard, a la fin sarà n picol marendel.
20.11.
Apuntamenc de la biblioteca de Cianacei
La biblioteca de Cianacei met endò a jir la rassegna de scon­trèdes per cognoscer da vejin persones e fac de noscia tera. L terz apuntament l é en mer­col ai 20 de november da les 18:00 te sala de Consei de Cianacei con »Noscia co­mu­nanza ti retrac da n’outa«. Vegn prejentà l liber »Cian­tons« de l’Union di Ladins con l’autora Nicoletta Riz e etres retrac veies de la jent.
22.11.
Radunanza de la Majon di Fascegn
En vender ai 22 de november da les 17:00 a La Gran Ciasa a Soraga la Majon di Fascegn chiama ite la radunanza gene­rèla per prejentèr i resul­tac de l’ativitèdes e anunzièr sie 50° cedean.
23.11.
Urtijëi: dé ju usservazions n con’ dl cunliamënt danter Pana y Sautaria
N sada ai 23 de nuvëmber mët la Lista Unica su, sun plaza Stetteneck a Urtijëi, na mëisa pra chëla che n giapa aiut per mëter ju si usserva­zions persuneles n con’ dl cunliamënt Pana–Sautaria. L servisc vën pità dala 10:00 nchin la 12:00 y l unirà spiegà coche n scrij la usservazions y coche les ie da dé ju ai che­muns de S.Cristina o Ciastel. A S. Cristina, Laion, Ciastel y te Sëlva saràl la grupa Nosc Cunfin che pieta l medemo servisc.
23.–24.11.
S. Cristina, Laion, Ciastel, Sëlva: dé ju usservazions n con’ dl cunliamënt Pana – Sautaria
N sada ai 23 de nuvëmber mët la grupa Nosc Cunfin a jì na azion per judé la jënt a mëter ju si usservazions per­suneles n con’ dl cunlia­mënt Pana – Sautaria y coche les ie da dé ju ai chemuns de S.Cristina o Ciastel. L servisc vën pità dala 10:00 nchin la 12:00: a S. Cristina dan la butëiga Duniculëur, a Laion sun plaza de dlieja y a Ciastel dan la becaria Silbernagl. A Urtijëi saràl la Lista Unica che pieta l medemo servisc. N du­mënia ai 24 de nuvëmber saràl l medemo servisc te Sëlva, for dala 10:00–12:00, sun plaza de dlieja.

Mostres y Ert
Atualmënter
Mostra

• 
•  

View the embedded image gallery online at:
https://www.lausc.it/manifestazions-y-evenc/28263-manifestazions-atuales#sigProId57e6d3c7cb

»De blòc y de ntorc«
Tl Café Surëdl a Urtijëi vëniel metù ora na mostra dal titul »De blòc y de ntorc«, cun che­dri de Erich Mussner, Livio Comploi, Flavio Prinoth y Georg Demetz. La mostra sarà da udëi ntan i orares de giaurida, dal lunesc nchin al vënderdi, 09:00–19:00.
Atualmënter
Mostra Zone d’Ombra
L Circolo – Lia Mostra d’Ert nvieia a unì a ti cialé ala mo­stra de Johanna Fink y Miche­le Azzalini. La giaurida sarà ncuei, ai 25 de utober dala 20:00 tl self dla mostres dla Lia Mostra d’Ert. La mostra resterà da udëi mo nchin ai 17 de nuvëmber: merdi – du­mënia, 16:00-19:00 y de sada y dumënia nce danmesdi, 10:00–12:00.

Referac
15.11.
La Dolomites, da ulà vënieles pa?
La Lia da Mont de Gherdëina mët a jì na sëira cun l geologh Corrado Morelli, ncuei, vën­derdi ai 15 de nuvëmber dala 19:30 tla Cësa di Cungresc a Urtijëi.
19.11.
Berstot per genitores: sëira de nfurmazion online
La Lia Gaia nvieia a chësc workshop per genitores cun l referënt Heinz Senoner (cun­sulënt per families) y Linda Faconti (psicologa y cunsu­lënta de prim aiut emozionel). La scumënciadiva à l fin de renfurzé genitores te si vester genitores. La prima ancunteda ie online, ai 19 de nuvëmber dala 20:00. Daldò saràl mo trëi ancuntedes: for de mier­culdi dala 20:00, ai 27.11., ai 4.12. y ai 11.12., tl self »Mata­da« tla Cësa di Cungresc a Urtijëi. Iscrizions sun www.pro-gaia.net.
19.11.
Omeopatia por mituns
La uniun dles families KFS da San Martin mët a jí na serada cun Alexander Kirch­ler, sot al titul »Omeo­patia por mituns«. An s’incunta en mertesc ai 19 de novëmber dales 19:30, tl salf dl Istitut Ladin a San Martin de Tor.
25.11.
La sëur dla craitles salveres
La biblioteca »Tresl Gruber« a S. Cristina mët a jì n referat cun l cuech da na stëila Miche­lin Armin Mairhofer sun la sëur dla craitles salveres y co les recunëscer, tlupé y adurvé, n lunesc ai 25 de nuvëmber dala 20:00.

Sport
15.11.
IHL Divijion I: HC Gherdëina C vs. HCP Junior Selection
L HC Gherdëina nvieia ala partida contra l HCP Junior Selection, ncuei, vënderdi ai 15 de nuvëmber dala 20:30 tl stadio Pranives te Sëlva.
16. y 17.11.
2. Proa Triveneto Coppa Italia Fascia Gold
L Eisclub Gherdëina nvieia de cuer ala segonda Proa Triveneto Coppa Italia Fascia Gold, n lunesc ai 16 y n merdi ai 17 de nuvëmber tl stadio Pranives te Sëlva. La garejedes scumëncia dala 08:30 y va inant dut l di, nchin la 18:00 zirca. Duc y dutes ie nviei a uní a cialé pro.
17.11.
FC Gherdëina vs. FC Schenna
La partida de juech al palé de campiunat de Prumozion sarà n dumënia ai 17 de nuvëm­­ber dala 14:30 tl zënter sportif Mulin da Coi. Ntreda: 7,00 €.
21.11.
HC Gherdëina vs. EC Die Adler Kitzbühel
Tl stadio Pranives de Sëlva saràl n ai 21 de nuvëmber dala 20:30 la partida dl cam­piunat AHL (Alps Hockey League) danter l HC Gher­dëina y l EC Die Adler Kitz­bühel.
24.11.
Turnoi de Tennis ITF Women Val Gardena te Sëlva
L turnoi ITF dl’ëiles mët man n dumënia ai 24 de nuvëmber tl zënter dal tennis te Sëlva y jirà inant nchin sada ai 30 de nuvëmber. Atletes prufesciu­nistes de livel nternaziunel aut jugherà per n montdepesć da 40.000$.

Temp Lede
15.11. y 18.11.
Prejentazions: Nosc prim gran liber dl Avënt
La Union di Ladins de Gher­dëina nvieia de cuer a la pre­jentazion dl liber nuef »Nosc prim gran liber dl Avënt«, n vënderdi ai 15 de nuvëmber dala 16:00 tla biblioteca dla Cësa di Ladins a Urtijëi y n lunesc ai 18.11. dala 16:00 tla biblioteca »Oswald von Wol­ken­­stein« te Sëlva. N prëia bel de se to pea n got da cësa.
24.11.
Gran batadù da 128 di Destudafuech de Sëlva
La manifestazion sarà n du­mënia ai 24 de nuvëmber tla sala di Destudafuech de Sëlva y scumëncia dala 10:00 cun »Frühschoppen« y da dedò marënda cun »Törggelen«. Dala 14:00 inant pona l bata­dù, cun drët de biei pesć. La iscrizions vën tëutes su n chël di, dala 10:00 inant tla sala di Destudafuech. Per mutons y mutans dai 5 nchin ai 12 ani saràl n turnoi de Mau-Mau.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
19.11.
Die Ladiner, storia de n suzes
Dales 20:50 ca. L ie na storia de n suzes, chëla dla grupa di Ladiner. Bel riesc do la fundazion, tl 2002, ovi venciù l arjënt cun l pez »Allein in Einsamkeit« y doi ani plu tert nchinamei l’or cun la ciantia »Beuge dich vor grauem Haar« pra l Gran Prix dla mujiga da mont. Ntlëuta cun Joakin y Rafael Stuffer. Ala fin dl 2004 ova Otto Demetz sëu­rantëut la stiera de Rafael, che se ova ntant trat zeruch. Ma nce chësta ntraunida ne à mudà nia n cont dla storia de suzes dla grupa de Gher­dëina. Program de Leo Seno­ner.
20.11.
Trail spezial
Dales 20:50 ca. A cura de Mateo Taibon.
21.11.
S-link, n saut tel mond digitèl
Dales 20:50 ca. Program de Cinzia Pistoia.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
15.11.
Ewald Senoner y si mond de miniatures
Ewald Senoner dl Ploc à n hobby scialdi particuler, chël de fé d’uni sort de mudiei n miniatura. Tres si mestier da tistler àl mparà a fé mpue dl dut y perchël ti garata nce lëures de marueia y faszinënc plëns de vivanda: l ie mandli che se muev, lums che verd, ega che regor, ciamins che fuma, n aud mujiga y nsci inant. Trasmiscion de Alex Runggaldier.
17.11.
Mujiga de Sëlva – Cunzert de Santa Zezilia
Dales 19:05. La mujiga de Sëlva à tenì ai 10 de nuvëmber l tradiziunel cunzert de S. Zezilia. Dlongia drët n bel pro­gram iel nce unì dat ora truepa uneranzes, danter chëstes bën cater de »Gross-Gold« per sunadëures, che ie da 50 ani pra la lia. Leprò iel pona mo unì cunedì che la mujiga de Sëlva unirà da­moinla derieta da Alexander Perathoner y che n ie bele tl lëur de anjenië ca la festa de iubileum per i 100 ani da si fundazion. Trasmiscion de Georg Mussner.
20.11.
Paroles fora de crigna
Dales 19:05-19:30. L’Union di Ladins de Fascia adum con l’Union Generèla di La­dins dla Dolomites à dat fora l liber »Paroles fora de crigna« de Fabio Chiocchetti. L’idea é nasciuda pean via da na rubrica vegnuda fora su la Usc di Ladins e se joan de l’enrescida sul patrimonie lessical ladin de Fabio Chioc­chetti adum ai impuls del grop Facebook Ladin Fascian. Program de Anna Mazzel.
21.11.
L’Uniun dles patrones da San Martin
Dales 19:05. Rita Maria Alfrei­der, surastanta dl’Uniun dles patrones da San Martin, nes cunta dles ativités dl’uniun y dl rode dla patrona sön le lüch, incö y zacan. N program de Sara Frenner.

Chino
Atualmënter
Literakino
Tla biblioteca de San Durich vëniel metù a jì mo l’ultima sëira de film »Literakino«: ncuei, vënderdi ai 15 de nu­vëmber dala 20:00. L program dl film che unirà mustrà ie da udëi te bibliotech, ulache l ie nce julantins da pudëi se tò pea.