La Usc di Ladins

Al é oramai feter 6 agn ca che Lungiarü á ciafé le predicat de "Paisc dl alpinist", tan co n paisc che se dá da fá por n turism "plü chît", sce i orun vaghé chësta parora, plü sostenibl y orienté sön les munts y la natöra. Dlungia les iniziatives de promoziun, vëgnel ince a s’al dé d’atres iniziatives incër la munt, che n’á nia diretamënter da fá cun le turism. Öna de chëstes é la formaziun di mënajites (por todësch "Wanderleiter"), olache i dui paisc dl alpinist Matsch y Lungiarü se barata jö ann por ann. En chësc ann i ára indô toché al paisc ladin, che á ospité ai 30 d’otober 24 mënajites, cun na formaziun sot al titul "Orientamënt tla contrada".

Deplü t’La Usc di Ladins di 15 de novëmber