La Usc di Ladins

Ai 10 de nuvëmber dala cinch do­ mesdì ti àn lascià la lerch dla palestra de Santa Cristina ala Mujiga dl luech per si cunzert de Santa Zezilia. Da coche nes à cuntà l sëurastant dla lia Diego Perathoner àn scu­ mencià cun la proes ala fin de setëm­ber, do che l program da d’instà ie finà via. Canche l di dl cunzert ie unit plu daujin, pona àn nce fat doi proes al’ena. 

L program à cris ora l dirighënt Christian Hofer, che à nce giapà na uneranza de merit d’arjënt per si diesc ani da dirighënt (Vereinszeichen in silber per tudësch, ndr.). 

Pra la Mujiga de Santa Cristina iel ntëur ai caranta cumëmbri, cun n mescedoz de tei che ie cumëmbri da puech incà y nce de tei che ie bele cincant’ani leprò.

Na bela gran grupa mescededa à n dumënia passeda fat rundenì i mures dla palestra cun de biei sonns d’uni sort. Menà tres la sëira à Marina Insam cun na prejentazion di pec, na cumpëida che ie unida prejenteda te doi pertes. Danterite fòvel la pert dla uneranzes y la paroles de lauda y de rengraziamënt da pert dl presidënt dla lia Diego Perathoner, Johann Grossrubatscher, vize­pre­sidënt dl raion de Bulsan dla Lia dla Mujighes de Südtirol, y dl ambolt de Santa Cristina Christoph Senoner. 

Julia Lardschneider

L articul tla edizion atuela de La Usc di Ladins.