La Usc di Ladins

Dotours
Dutor Gherdëina
L dutor de servisc da n sada ai 16.11. dala 08:00 daduman nchin la 08:00 daduman de n lunesc ai 18.11. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Tla fin dl’edema di 23 y 24 de novëmber él en sorvisc ti cin’ comuns dla Val Badia la doturia Stefania Febbraro, Al Plan, tel. 377 3288595.

Apoteches
Apoteca Gherdëina
L’apoteca de servisc ora dl orar urdiner de giaurida da n sada ai 16.11. nchin n vën­derdi ai 22.11. ie chëla de Sëlva, tel. 0471/795142 o 333/1776615, (davierta dala 8.30 - 12.30).
Apoteca Val Badia
L’apoteca en sorvisc fora dl orar ordinar, dal vëndres ai 22 de novëmber dales 19:00 al vëndres ai 29 de novëmber ales 19:00, é chëra da San Martin/Picolin, tel. 0474 523020.

Avisc
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
I oraries de Pedies
Se pel veder Pedies sul canal 10 de la televijion Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal l é semper a la leta orian co la friza en su i sotcanai HBBTV, sot la ousc TML. Duc i video e filmac dac fora dal Comun General é ence sul canal Tv Ladina de Youtube.
01.12.
Marcià da Nadel
N dumënia ai 1. de dezëmber mët la Schiera Junila (Jungschar) de Urtijëi inò a jì si marcià da Nadel te calonia basite, dala 7.30 nchin la 11.30. Duc ie nviei de cuer a unì a ti cialé y cumpré la bela gherlandes d’avënt y ala blòta decurazions fates cun i mutons y la mutans dla Schiera Junila. L unirà nce dat ova vel’piculëza da peslé y da bever.
22.11.
Scontrèda su la demenzes
L Comun General de Fascia, l’Apss, la Cèsa de Paussa e Rencureme endreza insnet, vender ai 22 de november da les 20:30 te Oratorie de Poza na scontrèda dal titol ‘Chi él che à tema de la demenzes?’ col dotor Giorgio Fumagalli neurologh del zenter de reabili­tazion neurocognitiva de Rorei.
22.11.
Radunanza de la Majon di Fascegn
Anché, vender ai 22 de novem­ber da les 17:00 a La Gran Ciasa a Soraga la Majon di Fa­scegn chiama ite la radu­nanza generèla per prejentèr i resultac de l’ativitèdes e anunzièr sie 50° cedean.
23.11.
Urtijëi: dé ju usservazions n con’ dl cunliamënt danter Pana y Sautaria
N sada ai 23 de nuvëmber mët la Lista Unica su, sun plaza Stetteneck a Urtijëi, na mëisa pra chëla che n giapa aiut per mëter ju si usserva­zions persuneles n con’ dl cunliamënt Pana – Sautaria. L servisc vën pità dala 10:00 nchin la 12:00 y l unirà spiegà coche n scrij la usservazions y coche les ie da dé ju ai che­muns de S.Cristina o Ciastel. A S. Cristina, Laion, Ciastel y te Sëlva saràl la grupa Nosc Cunfin che pieta l medemo servisc (cëla info de sot).
23.11.
Barat de guant
La Lia per Natura y Usanzes mët a jì n barat de guant tl self »Saut« a Urtijëi, ai 23.11. dala 09:00 nchin la 12:30. Roba mo scialdi bela possa nce unì venduda. N possa purté guant, joches, tutes, ciauzei, cazines, tasces.
23.–24.11.
S. Cristina, Laion, Ciastel, Sëlva: dé ju usservazions n con’ dl cunliamënt Pana – Sautaria
N sada ai 23 de nuvëmber mët la grupa Nosc Cunfin a jì na azion per judé la jënt a mëter ju si usservazions per­suneles n con’ dl cunlia­mënt Pana – Sautaria y coche les ie da dé ju ai chemuns de S.Cristina o Ciastel. L servisc vën pità dala 10:00 nchin la 12:00: a S. Cristina dan la butëiga Duniculëur, a Laion sun plaza de dlieja y a Ciastel dan la becaria Silbernagl. A Urtijëi saràl la Lista Unica che pieta l medemo servisc (cëla info dessëura). N dumë­nia ai 24 de nuvëmber saràl l medemo servisc te Sëlva, for dala 10:00–12:00, sun plaza de dlieja.
26.11.
Scontrada de Transdolomites sui trasporc
La sociazion Transdolomites endreza na scontrèda en mèr­tesc ai 26 de november da les 20:30 te sala grana de la Scola Ladina de Fascia su ‘Ferata de la Veisc: reflescions su la oportunitèdes da no perder per l renovament. Dal studie de fatibilità a na vijion locala e transnazionala di trasporc’.
29.11.
Apuntamenc de la biblioteca de Cianacei
La biblioteca de Cianacei à metù endò a jir la rassegna de scontrèdes per cognoscer da vejin persones e fac de noscia tera. L ultim apunta­ment l é en mercol ai 29 de november da les 18:00 te sala de Consei de Cianacei con »E se fajassane n conzert?«. Vegn prejentà l grop de mu­sega Popcorner e l contest de dessegn de bolghes e segna­libres di studenc de la mesènes de Ciampedel con n picol mezmesdì.
13.12
Open day ai Licees de Fascia
En vender ai 13 de dezember da les 14:00 a les 17:00 i stu­denc e i dozenc del Liceo di lengac, scientifich e artistich de la Scola Ladina de Fascia ve speta per ve moscèr la scola, i laboratories e i desvalives projec che vegn portà dant.

Chino
Atualmenter
Al chino de Tieser
Insnet, vender ai 22 de novem­ber da les 21:15 e sabeda ai 23 da les 17:00 e da les 21:15 l é »Wicked«, jebia ai 28 da les 21:15 per la rassegna ‘Il piacere del cinema’ l é »Il maestro che promise il mare«, vender ai 29 da les 21:15 en 3D, sabeda ai 30 da les 17:15 e domenia al prum de dezem­ber da les 20:30 l é »Ocenia«. Program su www.cinema tesero.com.

Cursc
Atualmënter
Balé per ëiles sëura i 50
L KVW de Urtijëi mët a jì uni lunesc dala 16:30 nchin la 17:30 tla sala de Calonia a Urtijëi ancuntedes de bal y muvimënt per ëiles sëura i 50 ani. La ancuntedes jirà inant nchin ai 02.12.
06.12.
Cursc da nodé a La Ila
La US La Ila organisëia cursc da nodé cun Davide Moling y Heinrich Conrater, tla noda­doia da La Ila, dai 6 de dezëm­ber inant (indöt 7 incuntades, nia tl tëmp da Nadé y Nanü). Al vëgn fat n grup por chi dla elementara y dui grups por chi dla scolina (agn 2019–20). Le cost é de 85,00€ a ce. Iscri­ziuns sön www.uslaila.it; infos a fitness@uslaila.it
11.12.
Cursc de acrobatica tl aier
La US La Ila mët a jí dai 11 de dezëmber inant n curs de acrobatica tl aier cun l’istru­turia Daphne Vincis. Le curs é te palestra da La Ila, dales 19:30 ales 21:30, por indöt 10 iadi. Iscriziuns online sön www.uslaila.it, informaziuns o aiüt tles iscriziuns ala mail fitness@uslaila.it .
13.12.
Cursc de paslunch
La scora de paslunch da San Ciascian mët a jí cursc de pas­lunch por scolars dla ele­mentara y mesana. Al vëgn fat grups de skating, classich y prinzipianc. I mituns podará ince porvé fora le biathlon. Le curs mët man en vëndres ai 13 de dezëmber dales 14:00, tl zënter de paslunch a San Ciascian. Al vá inant indöt 10 iadi, vigni vëndres 14:00 – 16:00. Iscriziuns a https://scuolafondo.it/cursmituns .

Iadi y Jites
30.11.
Jita al marcià da Nadel a Rattenberg y a Alpbach
L KVW de Sëlva mët a jì na jita tl Tirol, a Rattenberg, ula­­che n jirà a ti cialé ala Kis­slin­ger Kunstglasfabrik. Chi che uel possa nce vijité l Augu­stiner Museum. Do na bona marënda furnons tla valeda de Alpbach a ti cialé ala bela cëses tradiziuneles. Domesdì jiràn pona a fé na raida sun l blòt marcià da Nadel de Rattenberg. L vën pià via dala 8:00 dan la Cësa de Cultura te Sëlva y n sarà de reviers ntëur la 21:00. Priesc per la curiera y la marënda: per cu­mëmbri 60€, per nia cumëm­bri 70€. Iscrizions pra Ros­marie tla butëiga Sartëur (tel. 333 1671486).

Referac
Atualmënter
Berstot per genitores: sëira de nfurmazion online
La Lia Gaia nvieia a chësc workshop per genitores cun l referënt Heinz Senoner (cun­sulënt per families) y Linda Faconti (psicologa y cunsu­lënta de prim aiut emozionel). La scumënciadiva à l fin de renfurzé genitores te si vester genitores. La trëi ancuntedes ie for de mierculdi dala 20:00, ai 27.11., ai 4.12. y ai 11.12., tl self »Matada« tla Cësa di Cun­gresc a Urtijëi. Iscrizions sun www.pro-gaia.net.
15.11.
La Dolomites, da ulà vënieles pa?
La Lia da Mont de Gherdëina mët a jì na sëira cun l geologh Corrado Morelli, ncuei, vën­derdi ai 15 de nuvëmber dala 19:30 tla Cësa di Cun­gresc a Urtijëi.
25.11.
La sëur dla craitles salveres
La biblioteca »Tresl Gruber« a S. Cristina mët a jì n referat cun l cuech da na stëila Mi­chelin Armin Mairhofer sun la sëur dla craitles salveres y co les recunëscer, tlupé y adurvé, n lunesc ai 25 de nuvëmber dala 20:00.
27.11.
»L’alcol pó ester bun... da fá de bi dagns«
En mercui ai 27 de novëmber dales 19:30 vëgnel presenté tl salf dl Istitut Ladin a San Martin n film de sensibili­saziun sön la problematica dl alcol. Dedô sarál na mësa torona cun l’autur dl video, n insegnant y mëmber dl consëi dl SAJ y da na doturia dl zënter de terapia Bad Bachgart.
07.12.
Film y presentaziun dl liber »SehnSucht«
En sabeda ai 7 de dezëmber dales 16:30 vëgnel presenté tl pice salf de Comun a La Val n film de sensibilisaziun sön la problematica dl alcol. Dedô él Astrid Kofler che presentëia so liber nü »Sehn­Sucht«.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun sozio­­sanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 169 8343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é da­verta vigni secunda jöbia, dales 9:30 ales 10:30. Le pro­scim termin é ai 5 de dezëm­ber. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc ser­visc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Se­niores). L ie da se lascé nuté su nchin al di dant da mesdì, cherdan su: per Urtijëi l 320 7234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
22.11.
Deberieda: Jita a Tluses
La grupa »Deberieda«, na grupa per se ancunté danter persones che à problems psichics o de sozialisazion cun ulenteres, mët a jì na jita a Tluses. N se anconta n vënderdi ai 22 de nuvëmber dala 14:00 dan la Cësa de Paussa a Urtijëi.

Sport
24.11.
Turnoi de Tennis ITF Women Val Gardena te Sëlva
L turnoi ITF dl’ëiles mët man n dumënia ai 24 de nuvëmber tl zënter dal tennis te Sëlva y jirà inant nchin sada ai 30 de nuvëmber. Atletes prufesciu­nistes de livel nternaziunel aut jugherà per n montdepesć da 40.000$.
28.11.
HC Gherdëina vs. Rittner Buam
Tl stadio Pranives de Sëlva saràl n ai 28 de nuvëmber dala 20:30 la partida dl cam­piunat AHL (Alps Hockey League) danter l HC Gher­dëina y i Rittner Buam.
01.12.
ITF Woman Val Gardena a Urtijëi
L turnoi ITF dl’ëiles scu­mën­cia n dumënia ai 1. de dezëm­ber tl zënter dal tennis de Runcadic, y jirà inant nchin ai 7 de dezëmber. Atletes pru­fesciunistes de livel nterna­ziunel aut jugherà per n mont­depesć da 25.000$.
03.12.
HC Gherdëina vs. KHL Sisak
Tl stadio Pranives de Sëlva saràl n ai 3 de dezëmber dala 20:30 la partida dl campiunat AHL (Alps Hockey League) danter l HC Gherdëina y l KHL Sisak.

Teater
Atualmënter
Teater a La Pli: ultima
Le Teater La Pli presentëia le teater da rí »Na frizia de fortüna«, sot la rejia de Franz Rigo. L’ultima rapresentaziun é chësta sabeda ai 23.11. dales 20:00, te Ciasa dles Uniuns a La Pli. Les chertes pó gní comanades danfora al 389 8158382 (dales 17:00 ales 20:00).
Atualmenter
Sajon teatrèla de Fiem
L é tacà ite la sajon teatrala de Fiem con n grum de apun­tamenc ti teatres de Tieser e Pardac. Insnet, vender ai 22 de november da les 20:45 te teater de Pardac la compagnia Teatri di Bari porta dant »Pa­olo Sorrentino vieni ti devo dire una cosa« n spetacol de Giuseppe Scoditti con la regia de Gabriele Gerets Albanese.
24.11.
A teater a Tieser
En domenia ai 24 de november da les 20:45 te teater de Tieser per la rassegna ‘Il piacere del teatro’ l grop teatrèl ‘I Sotto­testo’ de Nogaredo porta dant la comedia ‘Tut per colpa del Pizom’.
24.11.
Spetacol de teater e bal
La sociazion ‘La Voce delle Donne’, col Comun de Mo­ena, met dant en domenia ai 24 de november da les 20:30 te teater de Navalge l spetacol de teater e bal »Le radici del silenzio« con la regia de Emma Deflorian e Giuliana Lopes e finanzià da Agenzia per la coejion sozièla UMSE opor­tunitèdes pervalives.

Mujiga
22.11.
Messa grana de Sènta Zezilia
Insnet, vender ai 22 de novem­ber da les 20:00 te la Pieif de Sèn Jan l é la messa grana de Sènta Zezilia animèda da la Musega de Vich e i cores paro­chiai. Do messa n picol con­zert de la Musega.
30.11.
Evi Mair & Frienda a La Grenz
En sabeda ai 30 de november da les 21:30 a La Grenz a Moena l é l event spezièl con ‘Evi Mair & Friends’ che fèsc musega rock, R&B, soul e cover night.
01.12.
Mëssa cun le Cor Pices Usc y gherlandes d’Advënt
En domënia al 1. de dezëmber, pröma domënia d’Advënt, él dales 10:00 la gran mëssa a Al Plan, abelida dal Cor Pices Usc. Te chësta ocajiun vëgnel ince benedí les gherlandes d’Advënt.

Leteratura
28.11.
Daria Valentin cunta..
En jöbia ai 28 de novëmber dales 20:00 él te biblioteca da La Ila la serada »Daria Valentin cunta«, cun la presen­taziun de de vigni sort de operes leterares y nia.

Temp Lede
29.11.
Mountain Christmas: giaurida dl Marcià da Nadel te Sëlva
L Marcià da Nadel te Sëlva giaurirà chëst ann ai 29 de nuvëmber. Dai 6.12. nchin ai 8.12. saràl daviert dala dala 11:00 inant nchin la 19:00. I autri dis, nchin ai 5 de jené saràl daviert uni di, for dala 15:00 nchin la 19:00.
30.11.
Luech da Nadel a Urtijëi
L marcià da Nadel tl raion da jì a pe de Urtijëi giaurirà n sada ai 30 de nuvëmber y sarà daviert nchin ai 5 de jené. Coche nce i ultimi ani saràl de plu butëighes che meterà ora si marcanzies y nce vel’ stont ulache n puderà se maië y bever zeche. Dai 30.11. nchin ai 1.12. sarà i stonc dla bu­tëighes davierc dala 16:00 nchin la 19:00, chëi dla ga­stronomia nchin la 20:00. Dai 2.–4.12. saràl śarà. Dai 5 de dezëmber inant saràl pona daviert uni di dala 16:00–19:00 (i stonc dla ga­stronomia for nchin la 20:00), y de sada y dumënia bele dala 11:00 inant.

Radio
Atualmenter
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
22.11.
La biesces fej mucé l lëuf
Cun l presidënt dla Lia di Paures de Sëlva Ivan Lard­schneider dl Tina vëniel rujenà de biesces y dl lëuf y dantaldut de n njin inuvatif. Nfati, la biesces »alfa« a pastura tl raion de Puez à ntan chësc instà passà giapà chësc njin tacà ntëur al col cun de tei ultra­sonns che desturba l lëuf nsci che l se n stebe bel dalonc. I resultac de chësc prouet ie a dì puech de marueia. Na tras­miscion de David Lard­schneider.
23.11.
Fai y casualités che á mudé nosta vita
Dales 19:05. Program de Iris Del Valle.
24.11.
L Trivenet jadinea te Sëlva
L Eisclub Gherdëina à metù a jì ntan l fin d’ena ai 16 y 17 de nuvëmber la segonda proa de »Coppa Italia dl Trivenet« dla fascia gold. Danter la atletes fovel nce trëi jadina­dëures de Gherdëina y la pre­sidënta Romina Zubba y si vize Manuela Pescosta conta dl’atività dla lia y  dla urgani­sazion de chësta cumpetizion. Trasmiscion de Alex Rung­galdier.
27.11.
Jent da zacan: Catarina Lanz
Dales 19:05. Fac straordinères, mic e strumentalisazion é chel che segna la storia de Ca­­tarina Lanz che à vivù ti tempes de l invajion franzousa de Napo­leon e de la gran levè­da del Tirol. Catarina é stata protago­nista de la batalia de Spines e per chest la vegn recordèda ence se ela enstessa no l’à mai contà nia. Doi mo­numenc la recorda Al Plan de Mareo e a La Plie de Fo­dom: storia e mit. Program de Anna Mazzel e Anelise Vian.
28.11.
Le ce tles neores y i pîsc tl’aria
Dales 19:05. Le sport dl joré cun le parapënd stlüj ite la fascinaziun da se lascé nainé dal vënt dalunc da döt y da düc. Thomas Stuffer, le presi­dënt dl Parapendio Club Gher­­dëina nes cunta deplü por sura le joré cun la vela. N program de Sara Frenner.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
26.11.
Cult: semenze da zacan
Dales 20:50 ca. Program de Daria Valentin y Hanspeter Karbon, a cura de Alessandro Dapunt.
27.11.
Trail spezial: Le dizionar
de G.Mischì verjiun stampada y verjiun y online
Dales 20:50 ca. Trasmisciun de Mateo Taibon.
28.11.
Euro – trasmisciun d’economia
Dales 20:50 ca. De Diego Clara y Hartmann Mairhofer, a cura de Leo Senoner.