La Usc di Ladins

Cun la terza mostra de fotografies da inlaota – do chëra de Badia cun les imajes dl fotograf da Badia Celeste Alfarei y chëra dedicada a La Ila, cun les fotografies de Vijo Rottonara – él gnü porté inant le proiet de inrescida y de archiviaziun de material storich, coiü adöm y cernü dai colaboradus dl Istitut Ladin Micurá de Rü.

Ince chiló ê le travert chël de porté ai edli dla jënt dl paisc fotografies da inlaota, da­manan l’aiüt dla popolaziun por la racoiüda de informaziuns prezioses por le laur de documentaziun. Cunté dl paisc da inalota aladô dles foto­grafies o reconësce les porsones fates jö, é n contribut de valüta, che dëida dessigné do le svilup dl paisc y la storia de süa jënt. La mostra de fotografies, inaudada en sabeda ai 9, é jüda a piz ai 15 de novëmber. Bona é stada la colaboraziun da pert dla jënt dl paisc, che á salpü da daidé inant cun tröpes informaziuns importantes por l’archif.

Liede inant tla ediziun nöia de vëndres ai 22 de novëmber!