La Usc di Ladins

Bele tl 2022 él gnü presenté i resultac dl’analisa RAR, fata dal Forum Prevenziun sön inciaria di Comuns dla Val Badia, sura le consum de alcol da pert di jogn te nosta valada. Deplü é stades dedô les incuntades dl grup de laur, de chël che cotan de istituziuns fej pert: le Sorvisc ai Jogn Val Badia, le Raiun Sozial, l’Intendënza ladina y les scores, i comuns y deplü consëis de formaziun. Tl passé él gnü organisé referac y workshops sön la tematica dla sen- sibilisaziun por n consum de alcol cun mosöra danter i jogn y nia ma.
Da plü o manco n ann incá se dá jö le grup de laur cun la realisaziun de n video de za. 17 menüc, te 3 lingac. Por chësc proiet él gnü trat ite porsones, en pert ince dla Val Badia, che é stades bunes da superé na dependënza dal alcol, familiars de dependënc y ince profescionisć. Le video vëgn presenté le pröm iade ai 27 de novëmber dales 19:30 tl salf dl Istitut Ladin a San Martin

Deplü sön le proiet y sön les serades nes cunta Sara Clara, ct’La Usc di Ladins di 22 de novëmber