La Usc di Ladins

La sëira dl'istruzion sessuela ova inuem »Sexuelle Bildung bei Kindern«, la referënta fova Christa Plank de Laion. La pedagoga de sés va ncantëur tla scoles a dé inant si savëi. Per Plank iel mpurtant che l'istruzion de chësc viers ne vënie nia mé fata a scola, ma che n dëssa nce rujené a cësa de chësc argumënt. La referënta ova tëut pea trueps libri per jënt d'uni sort de età. Tres chisc libri à l publich prejënt bele giapà vel' nfurmazion de coche n pudëssa ti jì permez a chësta tematica. »La sessualità scumëncia bele tl vënter dl'oma y va inant nchin che n ie vedli«, nscila Plank, »N dëssa nce acumpanië la jënt plu de tëmp cun chësc argumënt, davia che l ie
velch che ne se n va nia defin«. Te uni età vëniel su dumandes che reverda l sés y n dëssa se sentì liedesc
de fé chësta dumandes y de se nfurmé zënza se sentì giudichei.

Julia Lardschneider

L articul va inant tl'edizion nueva de duman vënderdi ai 22 de nuvëmber de La Usc di Ladins.