Norbert, vo sëis śën per n valguna enes tlo te Gherdëina. Tosc messëis inò muever de viers dla Tailandia. Ve lecurdëis'a mo l prim iede che sëis ruvei a Bangkok?
Norbert Kostner: L fova l ann 1970, propi l ultim di di mundiei te Gherdëina. Ne n'ove nia plu pudù cialé al'ultima garejeda, ajache n chël di ovi l jol da Zürich a Bangkok. Ntlëuta jans amanonder furnì cun n camejot y na crabatl. Posses'a te nmaginé canche son ruvà via dala doi domesdì: n drë fierson. L prim che me é mpensà fova "Chësta ne va nia, me n pei inò zeruch da ulache son ruvà (s'la rij n.d.r.).
Co pa chël che vosc lëur da cuech ve à purtà propi a Bangkok?
Ie fove perdrët anjenià per
https://www.lausc.it/valedes-ladines/gherdeina/28300-chel-che-te-es-mpara-chel-ne-possa-deguni-te-to-na-ntervista-norbert-kostner#sigProIdb7996d36d8
Ve ëis'a tosc usà ite ala vita tl’Asia?
Ie son na persona che se fej saurì a se adaté. A mi me savëssel dessegur nce bel tl infiern.
Ala fin sëis restei mpue plu giut …
Do doi mënsc me ài dit che ëssi pudù jì tla Calfornia, ma ie ne fove nia plu nteressà. Nsci sons mo restà per n cater ani a lauré te chësc prim hotel. Ntant me ova n mi cumpani, che se n fova jit dal Oriental Hotel de Bangkok, damandà sce ulësse tò ite si post coche segondo scef dla cësadafuech. Davia che l me savova bel a pudëi fé pea pra mo na giaurida de n hotel nuef, ei dit de sci. L fova l ann 1974.
Co fòvela pa jita che i ve à nciarià de deventé l prim cuech de chësc gran hotel?
Tl 1980 me à n bel di l diretëur cherdà te si ufize. "Cie avrei pa mei fat su, che l diretëur me cherda dala nuef danmesdì te si ufize", me éi mpensà. Son jit ite tl ufize, ulache l me aspitova – chësc gran ël de doi metri – me fajan per maniera l plu pitl che fove bon. "Congratulations", me àl dit: "l scef à dat la demiscions, te ies l scef nuef dl Oriental Hotel". Nsci éi for laurà iló coche prim cuech nchin dan ot ani, tl 2016.
Elisabeth Kostner
L articul va inant tla edizion de ncuei de La Usc di Ladins
