La Usc di Ladins

En jebia ai 21 de november l é stat compagnà te sie ultim viac su la tera don Alfredo Pederiva de Fronz da Soraga, l se à destudà te la Ciasa del Clero de Trent la not anter domenia ai 17 e lunesc ai 18 de november, l aea 72 egn.
Don Alfredo l é stat ordenà preve a Roma del 1979, dant l é stat vicarie parochial a Ala dal 1979 al 1982 e dapò l é ruà a Dèlba e Penìa olache l é stat fin del 1995; chiò l à lascià n bel recort te la comunanza soraldut anter i joegn. Dal ‘95 al 2004 l é stat preve a San Sebastiano, Nosellari e Carbonare e dapò l é stat manà a Fornace, Lona e Lases fin del 2011. L é stat colaborador pastoral de Ala dal 2011 al 2016 e dal 2017 al 2018 e dapò colaborador pastoral a Lavarone fin del 2021 canche l é jit a star te la Ciasa del Clero. 

Su La Usc stampèda de en vender ai 22 de november se pel lejer n recort personal de Manuela Rossi da Soraga.  (MCI)