La Usc di Ladins

»Dut spenc a che se desmentie la memoria storica e le persone che de n vers o l auter l é stat i veri protagonisć. Per chest volon ge sporjer n gran Diovelpae e stima a chi che conta esperienze o fac de sova vita. Me è rendù cont fin dal scomenz de chesta bela aventura apede Isabella che no l é po sorì descuerjer recorc e sentimenc coscì fogn. N aon binà su e publicà desvalive de cheste storie ti 60 egn de Nosha Jent che amò ades engaissa chi che le engesc.« Coscita la presidenta del Grop Ladin da Moena Angela Chiocchetti l’à avert l bel domesdì endrezà te sala Simonin Maza de le scole en domenia ai 17 de november. N domesdì de legreza e de recognoscenza che l Grop, ensema a l’Union di Ladins, à volù ge dedicar ai sozi, aboné e amisc che de n muie à tout su l envit.

La vera protagonista del domesdì l é stat Isabella Iellici de Penia che l’à scrit l liber »Storia de amor e de fadìe« dat fora da pech dal Grop Ladin desche numer spezial de Nosha Jent. Na femena feruscola e piena de gaissa, semper positiva e algegra, enceben che l’à cognù passar fora momenc grieves e da fadia.

De più su La Usc stampèda de en vender ai 22 de november.  (Monica Cigolla)