La Usc di Ladins

L Istitut Cultural Ladin Majon di Fascegn à chiamà ite la radunanza generèla en vender ai 22 de november te La Gran Ciasa a Soraga. N moment emportant per prejentèr l’atività del an che é do che se sera su e cheles en program per l 2025 che sarà dut dedicà ai festejamenc per i 50 egn de fondazion.

Per chest la radunanza é stata pissèda a vida interativa, col tor ite duc i prejenc i envian a meter dant idees e proponetes per la programazion del nef an ajache, descheche à dit la diretora Sabrina Rasom, »l Istitut Ladin l é nasciù e l cognessa seghitèr a esser referiment e cèsa, majon apontin, di ladins.«

L é stat ence prejentà duta l’atività fata via per chest an, spartida anter i desvalives setores de linguistica, museo e biblioteca. 

De più su La Usc stampèda de en vender ai 29 de november.  (Monica Cigolla)