La Usc di Ladins

Do plü edemes de laurs intensifs vëgn la strada provinziala nr. 37 söl Ju de Valparola indô daurida sön döes striares, plü avisa dai 29 de novëmber incër les 16:30 inant. Chësc vëgn lascé alsavëi dala Provinzia de Balsan tres n comunicat stampa. Sön chësta strada vëgnel fat de gran laurs por la sconé da roes y lovines, porchël él da fá laurs de stabilisaziun, de adatamënt y te val’ posć vëgn la strada ince spostada. L’intervënt vëgn desfiré sön indöt 1,7 km, danter Sciarè a San Ciascian cina söl confin cun la provinzia de Belun. Tles ultimes edemes ê la strada stada stlüta daldöt. Sce döt vá do plan, dess l’intervënt gní stlüt jö anter le 2026. Al fej pert di laurs por les Olimpiades da d’invern dl 2026 y vëgn en gran pert finanzié dal Minister por les Infrastrotöres y le Trafich a Roma.  (pablo)