La Usc di Ladins

L met a la leta 502.880 euro l Pian organich di intervenc de politica linguistica e cultuèla del Comun General de Fascia per l an 2025 prejentà te Consei General en mèrtesc ai 12 de november e aproà da duc i conseieres.

L nef Pian organich, lurà fora da la Consulta e prejentà te Consei dal conseier de procura Amedeo Valentini, che l à rengrazià la responsabola Evelyn Bortolotti e dut l staff di Servijes linguistics, l va inant su la medema strèda segnèda fora col Pian organich per l 2023 e l 2024, ajache – à dit Valentini – la politica linguistica la cogn esser pissèda e lurèda fora te na otica plurianuèla, enceben che la lege la perveit sia redazion anuèla. L zil che l Comun General se met dant ence per l an che vegn l é chel de meter a jir na politica linguistica che dovente ‘azion coletiva’ con al zenter la comunità di parlanc. Per chest l pian perveit mesures per didèr a stravardèr la doura del lengaz e a chesta vida creèr più ocajions de l durèr e fèr crescer sie valor simbolich, col lurèr tant sul lengaz patrimonial che sul lessich modern. 


De più su La Usc stampèda de en vender ai 22 de november.  (Monica Cigolla)