La Usc di Ladins

Ai 5 de novëmber ésera stada tan inant; la monia Teresa Zukic dla Germania, conesciüda sciöche "la monia sön le skateboard" é rovada tla Val Badia y á tigní 3 serades informatives ti paisc da Corvara y San Martin de Tor. La monia é gnüda inviada adalerch dal KFS – Katholischer Familienverband Südtirol - la uniun dles families catoliches dl comun da San Martin de Tor, y dal Consëi de formaziun da Corvara. Le Consëi de formaziun da San Martin á ince daidé finanzié i referac.
Tla pröma sëra a Corvara, á la referënta porté dant n valgügn consëis sön co che an pó fá da se gode n pü’ deplü la vita. Na incuntada dër particolara é zënzater stada chëra a San Martin, olache la monia Teresa á presenté la metoda che vëgn tuta ca te n valgügn paisc todësc, por abelí les mësses a na manira da trá adalerch tröc mituns.
"Lebe, liebe, lache… und sag den Sorgen Gute Nacht…" ê le titul dl secundo referat tigní a San Martin de Tor. Cun chësc dit á la monia cherdé adalerch n gran publich y é insciö rovada ti cörs di presënc, cuntan de süa vita fata de tröpes esperiënzes. (Ester Moling, por le KFS San Martin de Tor)

Deplü ciafëise t’La Usc di Ladins di 29 de novëmber