La Usc di Ladins

Ti ultimes egn su La Usc di Ladins l é stat publicà la rubrica »Paroles fora de crigna« rencurèda da Fabio Chiocchetti, con aprofondimenc sul lengaz ti setores de èrc e mestieres da n’outa, guanc de tradizion, speisa da zacan, piantes e trop de auter, scric con gran fondament, enrescida scientifica e col didament de n grop de pascioné de lengaz su Facebook. L autor met dant paroles più o manco desmentièdes, l va a veder l’etimologia e l les met a confront co l’autra va­ riantes ladines; n prezious contribut al studie del patrimonie lessical ladin. Da chesta rubrica, do n fon lurier de revijion de Chiocchetti, l é nasciù n liber de 250 piates, dat fora da l’Union di Ladins de Fascia adum con l’Union Generela di La­ dins dla Dolomites che vegn prejentà en vender ai 18 de otober da les 17:30 a Pera, tel Albergo Rizzi de Salin.

De più su La Usc stampèda de en vender ai 11 de otober.





 (LG)