La Usc di Ladins

Tres endô él porsones co se mët dant traverc da arjunje fora por la vita. Canche Franz Rigo d’La Pli é jü en ponsiun dan da 5 agn, s’âl tut dant da mëter tal ladin na Bibia por mituns; sën ésera tan ennant y rodunt ensciö – "Bibia por mituns" – ál ince bacé la traduziun ladin–marora dla "Neukirchener Kinderbibel" de Irmgard Weth, abelida dai dessëns espressifs y significatifs de Kees de Kort. I án albü l’ocajiun da s’la cunté con Franz Rigo, a chël che i ti á damané por pröm ciodí che al á orü fá la traduziun de na Bibia por mituns. Al respogn tler: "Le porciodi é dër sciompl: ciodi che al n’é ciamó degüna Bibia ladina por mituns. L’aodanza da podëi tó ca na Bibia ladina por la catechesa dai sacramonc y ince te scora pón entres endô aldí. Cösc debojügn ái enstës sontí canche i sun gnü motü dal Consëi de Ploania da mo dé jö con la preparaziun ala Pröma Santa Comegnun, olache al é dër püc tesć ladins. La orenté doía ea endere ince n’atra: ti dé na resposta concreta ala domanda: ’Ci podunse pa fá por nostes families jones y nüsc mituns?’ Porchël vëighi le laur ch’i á fat en sorvisc por la comunité, y forsc él ince sté na picia vocaziun", dij Franz.

Deplü sön cösta publicaziun nea, podëise lí t’La Usc di Ladins dai 18 de otober  (pablo)