La Usc di Ladins

Nteligënza artifiziela
L Cunsëi de Furmazion de S. Cristina y la Nëus Jëuni Gherdëina nvieia a na sëira de nfurmazion n con’ dla nteligënza artifiziela cun l referënt Martin Dobes
Cie muessen pa savëi coche nuzadëur dla nteligënza artifiziela al didancuei? A chësta dumanda ulëssa l referënt Martin Dobes dé resposta ntan la sëira de nfurmazion metuda a jì n juebia ai 17 de utober dala 20:00 inant tla sala de Chemun de S. Cristina.
La ntreda ie liedia y duc y dutes ie de cuer nviei:des.

Nvit ala sëira per i zitadins
L Chemun de Urtijëi nvieia duta la zitadines y duc i zitadins a na sëira de nfurmazion, n juebia ai 17 de

• 
•  

View the embedded image gallery online at:
https://www.lausc.it/manifestazions-y-evenc/28067-manifestazions-atuales-speziales#sigProIdfb626f2d09

utober dala 20:00 tla Gran Sala dla Cësa di Cungresc
L unirà rujenà dla atività dl Chemun y prejentà da pert dl ambolt y di assessëures i majeri lëures stluc ju y chëi udui dant ti proscimi mënsc.
Sambën uniràl nce dat lerch a ntervënc y a dumandes da pert dl publich.
Duc ie nviei de cuer.

Tru de vita – domisdé informatif
En sabeda ai 12 de otober dales 13:00 ales 17:00 vëgnel tigní tl salf dles manifestaziuns a San Martin de Tor la manifestaziun »Tru de vita«, n domisdé informatif cun 41 sorvisc, istituziuns y assoziaziuns che nes acompagnëia sön le tru de vita
Olá poi pa jí a damané do aiüt sce i mëssi ti fá le guern a n familiar? Y sce mi möt coco­gna? Y sce i á problems tla copia? O sce al é problems de dependënza? Ci scora dessi pa iö sciöche porsona jona chirí fora? I á tres la ria löna, che pó pa me daidé? Tratan la vita sunse gonot metüs dan da n gröm de domandes che podess ciafé na resposta o na indicaziun, jon al do­misdé de informaziun che vëgn tigní ai 12 de otober. En chësta ocajiun sarál döt adöm 41 sor­visc, istituziuns y assozia­ziuns desvalies che se pre­sënta, che dá infor­maziuns y consëis.
L’obietif dess ester le contat diret, zënza messëi jí a Bor­nech o finamai a Balsan, te n ambiënt plajor cun degun stress. Le domisdé se desfira dales 13:00 ales 17:00 y sará tl salf dles manifestaziuns a San Martin de Tor, cun entra­da debann. Organisaziun: Comité de Raiun Val Badia.

Curs de chitara
L KVW de Urtijëi/Runcadic mët a jì n curs de chitara cun Otto Dellago per chëi che scumëncia
L curs ie pensà per granc che scumëncia permò y vën tenì tla Scola de Mujiga a Urtijëi, dai 15 de utober nchin ai 17 de dezëmber per de ndut diesc iedesc, for de merdi, for dala 09:00 nchin la 10:00.
Scumencià vëniel n merdi ai 15 de utober dala 9 daduman nchin la 10 danmesdì y va inant per 10 iedesc nchin ai 17 de dezëmber 2024, for de merdi. De ndut iel 10 lezions.
N possa se scrì ite y damandé nfurmazions pra Otto Dellago cherdan su l numer 338/4693944. L curs ie debant.

Liber nü de poesies »Le fi dl plü – Il filo del più«
Presentaziun en vëndres ai 18 d’otober 2024, dales 18:00, tla Ciasa de cultura (Salf panoramich) a La Ila
L’EPL–Ert por i Ladins inviëia ala presentaziun dla racoiüda de poesies de Silvia Liotto dal titul »Le fi dl plü – Il filo del più«, cun poesies metüdes jö ti dui lingac ladin y talian.
L’auturia Silvia Liotto á pié do en chësc ann le pröm post al »Pest de poesies Angelo Trebo«, la diejima ediziun dl concurs lirich trienal y interladin.

»Giulan impó, degun alcol por me!«
Presentaziun dl liber »Nein danke, keinen Alkohol für mich!« y discusciun
Sön invit dl Consëi de Formaziun Badia gnarál adalerch tla Ciasa J. B. Runcher a Badia, en mercui ai 16 d’otober 2024, dales 20:00, l’auturia Ruth Niederkofler, na ëra cun esperiënzes de vita sotes, che á instëssa albü problems cun l’alcol.
Ara liará n valgönes perts fora de so liber y tolará insciö l’impuls por mëte man na discusciun cun i presënc, olache al sará la poscibilité da fá domandes a ëra y al dr. Martin Fronthaler, responsabl dl Zënter de terapia residenziala »Bad Bachgart« a Redant/Rodeneck.
La sëra de informaziun y discusciun fej pert dla linia de iniziatives »Localize« che á sciöche fin la dërta adoranza dl alcol, dantadöt inanter i jogn.