La Usc di Ladins

Bondì Giorgia, co te prejentásseto a zachei che no te cugnësc?
Mi son la Giorgia, son fodoma, è tres vivëst a La Plié, via Sourarù, e ades stè ja Salejei. È 30 agn e è n fradel doi agn plu pico.

Elo velch n particolar che te te recorde de co t’eve tosata?
Co sonva picola jive tres sun Masarei dai noni: colassù m’à tres sapù bel! Zispa d’isté via, co l eva da jì fora per ste vare o da mont su a fè fen… Chël me savëva l plu bel! Bele nlouta, l podei sté defora, a contat co la natura, l eva ceze che me plajëva da mac.

Ci asto fat nte tua vita?
Davò le mesane è fat l Lizeo Scientifich n Egort. Davò la matura, m’è delongo cherì n laour: mpruma l é capé nte n valgune boteighe, po è bù la oportunité de rué n bánca. È fat dománda e i m’à tout n Raiffeisen: l é bele cinch agn che son ilò! Se ie pense, me ven da ride, ajache co jive a scola dijëve tres: “Nte la vita fajarè de dut, ma no n bánca”. Nveze, l é n laour nteresciánte, che dà sodisfazion: no me l esse mei pensé! Mán mán che se fesc crësce le relazion personale co la jent, nasc n raport de respet e de fiduzia che l é l bel de nost laour. Po zerto, no l é tres saurì tignì n ecuiliber nánter raport de laour e vita de paisc; mpò, fin ades, no l é sté n problem.

De plu tla edizion stampeda de La Usc di Ladins o sun l e-paper a paiament www.lausc.it/e-paper