La Usc di Ladins

Dotor
Dutor Gherdëina
L dutor de servisc da n sada ai 19.10. dala 08:00 daduman nchin la 08:00 daduman de n lunesc ai 21.10. ie l dutor Giuliano Piccoliori de S. Cristina, tel. 0471 792282 o 348 3301004.

Doturs Val Badia
Tla fin dl’edema di 19 y 20 d’otober él en sorvisc ti cin’ comuns dla Val Badia la doturia Margherita Righini, tel. 348 6351943.

Apoteca
Apoteca Gherdëina
L’apoteca de servisc ora dl orar urdiner de giaurida da n vënderdi ai 18.10. nchin n vënderdi ai 25.10. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/12.30. Turnus: 9.00-12.00).

Apoteca Val Badia
L’apoteca en sorvisc fora dl orar ordinar, dal vëndres ai 18 de otober dales 19:00 al vëndres ai 25 de otober ales 19:00, é chëra da La Ila, tel. 0471 847152.

Avisc
19.10.
»Diggy-Treff« ancuntedes digiteles
Ëis’a dumandes n con’ de vosc computer, de programs o per la nstalazion de na software? Tulëde pea vosc fonin, tablet o laptop y unide te biblioteca Oswald von Wolkenstein te Sëlva. N sada ai 19 y 26 de utober y ai 9 de nuvëmber dala 09:00–12:00 y de lunesc ai 21 y 28 de utober y ai 11 de nuvëmber dala 18:00–21:00, sarà l espert Werner Messner iló a ve judé. L servisc ie debant y n ne à nia drë’ de se lascé nuté su. Metù a jì dal KVW Sëlva.

27.10.
Festa per i iubilars
L Muvimënt Catolich dl’ëiles nvieia duc i iubilars, che festejea chëst ann i 25, 40, 50, 55, 60 y 65 ani maridei a na Santa Mëssa dala 9:00 tla Dlieja de S. Cristina. Daldò puderàn mo sté mpue deberieda tl self dla biblioteca Tresl Gruber.

18-19.10.
Workshop formatif »Esser de Ciasa«
La Coprativa »La Coccinella«, che gestesc la Coa di fantolins a Soraga met a jir doi dis de formazion per educatores di picioi anter cultura, natura e pedagogia. En vender ai 18 da les 15:30 l é la prejentazion per duc te Comun General a Sèn Jan e da les 17:00 la vijita a la Coa e workshop; en sabeda ai 19 da les 9:00 l trekking pedagogich.

Atualmenter
I

• 
•  

View the embedded image gallery online at:
https://www.lausc.it/manifestazions-y-evenc/28124-manifestazions-atuales#sigProIda7f746caea

oraries de Pedies
Se pel veder Pedies sul canal 10 de la televijion Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal l é semper a la leta orian co la friza en su i sotcanai HBBTV, sot la ousc TML. Duc i video e filmac dac fora dal Comun General é ence sul canal Tv Ladina de Youtube.

18.10
Paroles fora de crigna
Anché, vender ai 18 de otober da les 17:30 tel Albergo Rizzi de Salin a Pera vegn fat na prejentazion conviviala del liber »Paroles fora de crigna« de Fabio Chiocchetti, dat fora da l’Union di Ladins de Fascia e da l’Union Generela di Ladins dla Dolomites, con l autor e con duc chi che à didà a portèr a compimenc chest bel projet linguistich. Duc é envié!

19.10.
Regoeta fer del Grop Freinademetz
En sabeda ai 19 de otober i volontères del Grop miscionarie Freinademetz e Mato Grosso passa ti paijes da Soraga a Fontanac a tor su fer e metai. Se prea de meter fora la roba jà da doman. Per roba grana o per i etres paijes de Fascia l é benfat chiamèr l dì dant i volontères referenc per ogne paisc.

19.10.
Simposie Top Wine 2950
Doman, sabeda ai 19 de otober al Refuge Maria sun Sas Pordoi la SITC endreza l Simposie Top Wine 2950. Da les 10:00 a les 17:00 se pel cercèr vins de 20 cèvenes de la region e n ‘special guest’ de la Toscana, bocons sfiziousc e l piat del chef Giovanni Gabrielli. Info su valdifassalift.it.

Teater
01.11.
Paolo Crepet a Navalge
En vender al prum de november da les 21:00 te teater de Navalge l é la conferenza-spetacol de Paolo Crepet, psichiater, soziologh e educator, che rejona de sie ultim liber ‘Mordere il cielo’. Se pel ite debant.

Chino
18.10.–15.11.
Literakino
Tla biblioteca de San Durich vëniel inò metù a jì la sëires de films »Literakino«, for de vënderdi ai 18 y ai 25 de utober y ai 8 y 15 de nuvëmber, for dala 20:00. L program plu avisa di films che unirà mustrei ie da udëi te bibliotech, ulache l ie nce julantins da pudëi se tò pea.

Cursc
Atualmënter
Café dla rujenedes
Tla bibliotech S. Durich a Urtijëi vëniel tenì nchin ai 20 de nuvëmber l café dla rujenedes: de merdi dala 09.30 per franzëus cun Louise y dala 15:00 per spanuel cun Chiara, de mierculdi dala 09:30 per nglëisc cun Nicky. N possa unì zënza se nuté su danora. Na cunescënza de basa ie bënududa.

Atualmënter
Balé per ëiles sëura i 50
L KVW de Urtijëi mët a jì uni lunesc dala 16:30 nchin la 17:30 tla sala de Calonia a Urtijëi ancuntedes de bal y muvimënt per ëiles sëura i 50 ani. La ancuntedes jirà inant nchin ai 02.12.

25.10.
San Ciascian: curs de ultim aiüt
Le curs vëgn tigní a San Ciascian te calonia basite, en vëndres domisdé ai 25 d’otober, dales 14:00 ales 18:00. Prëibel s’anunzié danfora y cina incö vëndres ai 18 d’otober al numer de telefon 0474 586155. Le curs vëgn tigní cun n min. de 6 y n max. de 12 porsones y al é debann.

09.11.
La Ila: curs de ultim aiüt
Les infermieres dl Raiun Sanitar dla Val Badia mët a jí n curs, olache an impara da socodí y ti sté dlungia tla dërta manira a porsones che é tl morí. Le curs vëgn tigní en sabeda ai 9 de novëmber dales 8:30 ales 12:30, tla Ciasa de Cultura a La Ila, salf dl Sorvisc ai Jogn. Curs debann y por ladin. Al é da s’anunzié anter i 8.11. al numer 0474 586155, dales 8:00 ales 12:00.

Iadi y escurscions
26.10.
Escurjiun: le liber dla storia dla tera
En sabeda ai 26 d’otober dales 9:00 ales 12:00 vëgnel pité na escurjiun geologica por families sön Börz, sot al titul »Le liber dla storia dla tera«. Referënt é Matteo Rubatscher; organisaziun: Ciasa dl Parch natural y Uniun Ëres La Val. Infos y prenotaziuns anter i 25 d’otober al 0474 506120 o 345 0674756.

Mostres y ert
Atualmënter
Mostra »De blòc y de ntorc«
Tl Café Surëdl a Urtijëi vëniel metù ora na mostra dal titul »De blòc y de ntorc«, cun chedri de Erich Mussner, Livio Comploi, Flavio Prinoth y Georg Demetz. La mostra sarà da udëi ntan i orares de giaurida, dal lunesc nchin al vënderdi, 09:00–19:00.

Atualmënter
“Testimunianzes dl Tëmp”
La mostra “Testimunianzes dl Tëmp”, na mostra dla galaria Vijion ora Puntives de Bruno Vallazza y Christian Kaufmann, resta davierta nchina ai 21 d’utober, for dal lunësc ala sada dala 4 ala 7 domesdi o cherdan su l nr. 338 2098697.

Atualmënter
Mostra: »Countdown to mass extinction?«
Le Museum Ladin inviëia da jí a ti ciaré ala mostra speziala »Countdown to mass extinction?«, che é da odëi fina ai 3 de novëmber tl Museum Ciastel de Tor. La mostra se dá jö cun la plü gran estinziun de massa tla storia dla tera, en relaziun cun la crisa climatica da sëgn.

Musiga
18/20.10.
Le Lingue Morte live a La Grenz
Insnet, vender ai 18 de otober con scomenz da les 20:30 te la senta de La Grenz, strada de Saslonch a Moena, l é n conzert de Le Lingue Morte live con Armando Rebaudo, Mario Färber, Enrico Tommasini e Roberto Dassala. Le Lingue Morte sarà a La Grenz ence en domenia ai 20 de otober da les 16:00 per bec e penscioné.

18.10.
»Kroft Singen«
La Lia Gaia mët a jì chësta manifestazion de mujiga: ncuei, 18 de utober dala 18:30 tl local Matada tla Cësa di Cungresc a Urtijëi. Referënt: Alex Unteregger. Per nfurmazions: Isabella 338 526 9906. L ne ie nia de bujën de se nuté su. Cost: dunfierta liedia, l fajëssa legrëza sce l fossa za. 10 €.

Publizistica
18.10.
Presentaziun de »Monumënc de pera«
Incö vëndres ai 18 d’otober dales 19:30 él Mario Clara che presentëia tl salf dles manifestaziuns a La Val so liber »Monumënc de pera«, olache ara nen vá dles peres da copes, peres che vëgn dant gonot mo de chëres che an á ciamó dër püces informazioni che reverda so significat y süa funziun.

Referac
19.10.
Lëuratuere de sciumenté
La referënta Heidi Mair mustrerà coche n sciumenteia (räuchern) y spligherà per cie che chësta vedla tradizion ie de utl: n sada ai 19 de utober dala 10:00 tla biblioteca de San Durich a Urtijëi. L workshop ie debant, ma n à gën sce n se nunzieia dant.

22.10.
L fonin: n cumëmber dla familia
Tla boblioteca Oswald von Wolkenstein te Sëlva vëniel metù a jì na sëira de nfurmazion sun i pericui y i vantajes di fonins cun l referënt Markus Gröber, n merdi ai 22 de utober dala 20:00. L unirà rujenà nce di media soziei y de ciuna regules y mesums de se paré che l ie per mutons:ans y jëuni:es.

22.10.
Lauré cun l corp aldò de Grinberg
Tla sala dla Cassa Raiffeisen a S. Cristina mët l KVW S. Cristina a jì chësc referat cun la referënta Amy Senoner, n merdi ai 22 de utober dala 20:00.

24.10.
Mental Load
Na sëira de nfurmazion sun l pëis nvijibl tla families: l’urganisazion dl di y de duc i cumëmbri. L referat ie ai 24.10. dala 19:30 tla biblioteca de S. Cristina. Ntan la sëira cialeràn de rënder vijibli i pitli i majeri problems che ne vën suvënz nia udui, per abiné na soluzion che vede bën per tramedoi i genitores.

24.10.
Dé sustëni y amor a nosc:nosta mutons:ans
L KVW de Sëlva nvieia a na sëira de nfurmazion cun l referënt Toni Fiung, n juebia ai 24 de utober dala 20:00 tl self dla Schiera Junila te Sëlva. L unirà rujenà sun coche n possa viver l crëidum cun mutons y familia.

18.10.
Le monn dl’energia renovabla
Le Comun de Badia mët a jí incö vëndres ai 18 d’otober dales 20:00 n referat, tla Ciasa Runcher a Badia. Le referënt René Tolpeit pitará na »intro­duziun tl monn dl’energia renovabla«: fotovoltaich, pumpa por le cialt, staziun da ciarié, comunité energetica, ez.

25.10.
Les maraties dl bestiam
En vëndres ai 25 d’otober dales 20:00 él tla Ciasa J. B. Runcher a Badia le referat »Reconësce por tëmp les maraties infetives dl bestiam«. Referënt é Alexander Tavella, diretur dl Istitut Zoopro­filatich Sperimental dles Vene­zies a Balsan. Organisaziun: Uniun di Paurs de Badia.

Religion
18. y 20.10.
Edema dla Fede – referat y conzert
L’Edema dla Fede tla Val Badia s’arjigna da jí a piz. Incö vëndres ai 18.10. dales 20:00 él tl salf dla Raiffeisen a La Ila le referat »Ert y fede« cun Danila Serafini. En domënia ai 20.10. dales 16:00 él te dlijia da S.Martin n con-zert cun i cors da S. Martin, La Val, Corvara y La Ila.

22.10.
La Pli: presentaziun dla »Bibia por mituns«
Le Consëi de ploania da La Pli inviëia ai 22.10.dales 17:00 te Ciasa dles Uniuns a La Pli ala presen-taziun dla »Bibia por mituns«, traduziun tl ladin mareo dla »Neukirchener Kinderbibel«, de Franz Rigo. Siur Tone Fiung dará consëis y impulsc por lí la Bibia cun i mituns y te familia. La serada vëgn abelida da cianties y na picia rapresentaziun di scolars da La Pli.

Sozieles
21.10.
La Ciasa de l’Armonia
L Servije sozio-assistenzièl del Comun General de Fascia en lunesc ai 21.10. da les 17:30 ge prejenta a duta la comu-nanza la Ciasa de l’Armonia, na stua con aparac tecnics per la stimolazion sensorièla, l benstèr e l didament te desvaliva sort de desabilità, realisèda te Oratorie de Moena col finanziament de la Fondazion Caritro e gestida da Anffas Trentin.

Televijion y Radio
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.

Mertesc, 22.10., 20:50 za.
Cult rituai da inier y incö: semenzes
Program de Giulia Tasser y Hans Peter Karbon, a cura de Alessandro Dapunt

Mercui, 23.10., 20:50 za.
50 Agn Sport Club Mareo 1974-2024
Program de Diego Clara y Hartmann Mairhofer, a cura de Leo Senoner

Juebia, 24.10., 20:50 za.
S-Link: L digitèl per cognoscer la natura
La natura, l é na cuna de beleza ma ence na fontèna rica de informazions. Te chesta puntata de S-Link jon a descorir coche, tras l’ausilie di strumenc digitèi, se pel ruèr apede più sorì a gropes de dac enteressanc che ne deida a cognoscer miec chel che aon dintornvia. Program de Cinzia Pistoia, a cura de Anna Mazzel

LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00

Mertesc, 22.10., 13:45
Festa del rengraziament
Desche vigni uton ence chest an l’Union di Ladins de Fascia endreza la Festa del Rengraziament en domenia ai 27 de otober e co l’ocajion vegn inaudà la cèsa de la Moniaria a Sèn Jan olache à troà si senta l’Union di Ladins de Fascia, la redazion fascèna de La Usc di Ladins e i Servijies Linguistics del Comun General. En rejonon con Fernando Brunel president de l’Union di Ladins de Fascia, conduzion Anna Mazzel
La trasmiscion “DAI CRËPS DL SELA” ie da audì uni di dala 19:05 ala 19:30 sun la frecuënzes de RAI LADINIA

Vender, 18.10., 19:05
“Testimunianzes dl tëmp” – Bruno Vallazza y Christian Kaufmann
Tla galaria Vijion a Pontives iel da udëi na mostra cun opres di artisć Bruno Vallazza y Christian Kaufmann, che mostra su si capazità de se adaté ai mesuns tecnics atuei. For inò se à i artisć adatà ala tecnologies de si tëmp, reprejentan y tenian cont dl’atualità. Cun la prejentazion di lëures di doi artisć de generazions defrëntes coche Bruno Vallazza y Christian Kaufmann uel la mostra “Testimunianzes dl tëmp” mustré su si maniera de lauré, che se à adatà ala puscibltà di materiai de si tëmp. Nsci sciche Bruno à ntlëuta laurà l fier, nsci lëura Christian cun i mesuns digitei da ncuei. Trasmiscion de Sofia Stuflesser

Domenia, 20.10., 19:05
N suzes storich per Lara Malsiner
L 6 de utober 2024 ie n di storich per Lara Malsiner de Urtijëi, atleta de saut cun i schi, che ie stata bona de se fé sie l titul dl Summer Grand Prix 2024. Y nce l atlet Alex Insam à fat rujené truep de se nstës pra chësc ultim campiunat, che ie la manifestazion plu mpurtanta de saut da d’instà. Da audì iel testemunianzes da pert dl alenadëur Romed Moroder, la campionëssa Lara Malsiner y Alex Insam. Trasmiscion de Alex Runggaldier

Mercui, 23.10. , 19:05
N auter turism: Paisc dl Alpinist
Valorizer la natura e l‘autenticité per n turism che arsegure n svilup bel pian del turism olache vegne mantegnù la cualitè de vita per duc  tres n grop de persones che vif alò é l cher di projec “Paisc dl Alpinist” che dal 2018 tol ite ence l paisc de Longiarù. En rejonon con Christof Alfreider. Program de Anna Mazzel e Elide Mussner

Juebia, 24.10., 19:05
I desturbs dl sonn
Canche nosc sonn é desturbé ne é la cualité dla vita nia plü la medema. Le psicologh y psicoterapeut Edmund Seno­ner, cunta te chësc program de chësta problematica y dá ince consëis co fá na buna igiena dl sonn. N program de Sara Frenner
Informaziuns plü menüdes sön i programs radio y televijion de RAI Ladinia pón ciafé sön www.raibz.rai.it – Sun l medem sit i programes TV sarà da vedei sota “Mediateca” y les trasmiscions radio sota “Podcast”.

Sport
19.10.
HC Gherdëina II vs. AHC Vinschgau Eisfix (IHL Divijion I)
L HC Gherdëina nvieia ala partida de Seria C contra l AHC Vinschgau Eisfix, ai 19.10. dala 20:30 tl stadio Pranives te Sëlva.

20.10.
FC Gherdëina vs. SG Latzfons/Verdings
La partida de juech al palé de campiunat de Prumozion sarà ai 20 de utober dala 15:30 tl zënter sportif Mulin da Coi. Ntreda: 7,00 €.

Temp Lede
Atualënter
Cërtl de letura cun Nicoletta
Tla biblioteca de San Durich a Urtijëi vëniel liet deberieda l liber de Francesca Melandri, »Piedi freddi«, uni lunesc dala 18:00. L cërtl ie debant y duc possa fé pea.

Atualmënter
Ora de la set mesures
La Lia dl Teater Sëlva nvieia a unì a ti cialé a chësc pez da rì. La reprejentazions sarà mo n duman, sada ai 19 de utober dala 20:30. Chertes danora giàpen cherdan su l Minishop Sëlva al numer 0471 773133 (mé danmesdì).

19.10.
Marcià dl adurvà
L VKE Gherdëina mët a ji nce chëst ann l »Marcià dl adurvà, ma mo da pudëi avëi«, n sada ai 19 de utober dala 09:00 nchin la 12:30, tla Cësa de Chemun a Santa Cristina. Duc ie nviei de cuer.

24.10.
Na storia por mituns
En gaujiun dl De dles biblioteches, é mitans y mituns inviá en jöbia ai 24 d’otober dales 14:30 te biblioteca a La Val, a n domisdé olache Ruth cunta na storia. L’eté aconsiada é dai 3 agn insö.