La Usc di Ladins

Per l ann dl’archeologia 2022 a Hessen prejënta l Museum Keltenwelt am Glauberg dai 10 de merz ai 31 de dezëmber la gran mostra speziela »Celc Region Hessen – L scumëncia n tëmp nuef «. 
L Museum Keltenwelt am Glauberg, che ie unì giaurì tl 2011, ie zirca 40 km a nordest de Frankfurt am Main. Pra giavedes archeologiches iel tl 1994 unì a lum iló fòsses dl tëmp dl fier y i resć de n col sepolcrel cun n troi dla prozescions dl scumenciamënt dl tëmp de Latène (ntëur al 400 dan Gejù Crist). Tl 1996 iel unì fat la scuvierta sensaziunela de na scultura de sas da sablon, tan granda sciche na persona vëira, che raprejënta n berba cun n ciapel particuler, a chël che n ti dij nce »curona da pleces« o »Blattkrone« per tudësch. Oradechël àn nce scuvrì decurazions y ermes che ti semea a chëles dl »Fürstengrab 1«.
Tl ann 2014 à Sara Welponer giapà la ncëria de recostruì l cialé ora, la massaria y l’ermes de chësc berba, che ie cunesciù coche l »Keltenfürst vom Glauberg«.

Liejede do de plu tla edizion nueva de La Usc di Ladins di 8 de lugio 2022!