La Usc di Ladins

Aer l’ocajion de rejonar de coche va le robe te le istituzion europeane, e de le litazion del Parlament che sarà la setemana che vegn, col maor funzionarie del Parlament European, e de l far per ladin, no l é na roba da duc i dis. Ai 21 de mé Alessandro Chiocchetti del Lere, che dal uton del 2022 l é secretar general del PE, l é ruà su envit de l’Università de Trent per ge far na lezion ai studenc del cors de studies internazionai, che met ensema 4 facoltà. Aon tout l’ocajion per ge domanar na intervista, l à azetà con gran desponibilità e l dì do, inant che se n jir de retorn a Bruxelles, l é ruà a ne troar te noscia redazion a Sèn Jan.

Scomenzon da la scontrada che aede fat angern a l’Università de

• L secretar general del Parlament european Alessandro Chiocchetti te senata de La Usc di Ladins a Sèn Jan.
•  

View the embedded image gallery online at:
https://www.lausc.it/atualite/27273-se-informar-e-jir-a-litar-per-tor-part-al-davegnir-comun-de-l-europa#sigProId9fb32cc1b3

Trent: co éla jita?

Alessandro Chiocchetti La é jita ben, ge è contà mingol de coche funziona l Parlament dal daint. È vardà ence de far na roba no massa pesoca e l è fat per ingleis, percheche l era ence desvalives studenc foresć. Me à piajù e ence a ic ge à piajù, i era ence n muie enjignè, i saeva n mulge de robe e i à fat domane n muie trefade.

I à scrit che fossade jit ence al Festival de l’Economia...
L era na ‘fake news’. I me aeva domanà, ma mie ofize ge à dit sobito che no podeve, cogne jir fora jà doman [en jebia ai 23 de mé, ndr] percheche l é l debatit anter i candidac de la Comiscion Europeana e ajache sion tel temp de vacanza parlamentara e i deputac no i é, giö desche secretar general cogne i tor dant e far i onores de ciasa. No sè percheche i lo à lascià tel program, ma i era stac avisè per temp.  

Canche siede doventà secretar general ne aade dit che ve metaade dant de far valch mudament emportant: co éla jita?
È scomenzà a i far, e son stolz de poder dir che la plenaria del Parlament de oril l’à aproà a gran maoranza mie pachet de reforme, enceben che canche se völ mudar l é semper chi che i é de contra, percheche l é più sorì far come che se à semper fat. L é stat aproà reforme de la prozedura che no se fajeva dal 1989.

Podede lejer duta l'intervista su La Usc stampèda de en vender ai 31 de mé.  (Lucia Gross)