La Usc di Ladins

Pudëssess’a prëibel te prejenté n curt?
Bon di, son Jessica Pitschieler da Bula, é trënt’ani y lëure coche nsenianta tla scola auta »ITE Raetia« a Urtijëi.

Nes contes’a mpue de ti streda de furmazion?
É abù la gran fertuna de avëi pudù fé duta la scoles paritetiches da nëus te valeda y do avëi fat l »ITE Raetia« a Urtijëi sons pona jita al’Università Liedia de Bulsan a fé l Bachelor de »Economia y Management« y daldò l Master te »Accounting and Finance«. Ntan i ani de stude éi fat truep practicums tl ciamp dl’economia, coche per ejëmpl tla Majon de Cumerz a Bulsan o nce pra n cu­merzialist. Oradechël éi bele fat truepa esperienzes tl ciamp dla scola y urmei iel l sesto ann che nsënie.

Uloves’a for bele nsenië?
A dì l’urità me à l lëur da nse­nianta da for incà sapù bel, ma davia che me nteressova nce l ciamp dl’economia y l me ëssa nce plajù l lëur da cumerzialista éi nvià via mi furmazion te chësc ciamp. Per cajo ovi audì tla tele­vijion che i criva personal nseniant y de mi bona ovi pona nce fat dumanda te na scola y bel mpont ovi giapà mi prima stiera coche nsenianta tla scola mesana de Tluses. Daldò éi pona nce laurà tla scola mesana de Urtijëi y pona tla scola auta a Urtijëi, ulache nsënie nce chëst ann economia aziendela. (Ntervista de Sara Senoner)

De plu tla edizion stampeda de La Usc di Ladins o sun l e-paper a paiament www.lausc.it/e-paper