La Usc di Ladins

En sabeda ai 31 d’agost s’á cun l’ultim conzert stlüt jö le program dl festival musical Badiamusica 2024, che á acompagné apascioná de musiga fora por döt l’isté. Nü é stá i apuntamënc sternüs fora por la sajun cialda, che á porté te valada varieté musicala sön n taí rich por sodesfá n’pü’ vigni palat. Danter i grups de profescionisć locai y da defora, s’á moscedé les saus fora por les serades, rovan a l’ultim apun­tamënt, chël cun l’ensemble »Trëi« dles musizistes profescionistes Mara Miribung, Abélia Nordmann y Gizem Simsek, che sona y cianta pro produziuns teatrales y colabo­raziuns interdisciplinares. Tl salf dles manifestaziuns a La Val s’á desfiré la serada, che á invié le publich a mët pé te na dimenjiun musicala intima y prësc magica, döta tl sëgn dla feminilité.


Liede deplü tla ediziun nöia de vëndres, ai 6 de setëmber!