La Usc di Ladins

Iadi y Jites
11.09.
Raida di mejes sa Sacun
L Museum Gherdëina mët a jì na raida pra i mejes Mëune y Peza y ala dlieja da Sacun. N se anconta n mierculdi ai 11.09 dala 9:00 tl Museum Gherdëina, ulache l sarà na ntroduzion ala storia y arpejon architetonica da paur de nosta valeda. La jita fina via sa Sacun dala 13:00 sa Somont pra la fermeda dla curiera. L vën furnà su cun l Citybus. Iscrizions: nchin al din dant, merdi, dala 18:00 tl Museum Gherdëina: 0471 797554.

Avisc
Atualmenter
I oraries de Pedies
Se pel veder Pedies sul canal 10 de la televijion Trentino TV, de sabeda da les 18:00, de domenia da les 13:30 e de lunesc da les 11:30. Con Smart TV sul medemo canal l é semper a la leta orian co la friza en su i sotcanai HBBTV, sot la ousc TML. Duc i video e filmac dac fora dal Comun General é ence sul canal Tv Ladina de Youtube.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.
06.09.
Scontrèda col esplorator Franco Michieli
Anché, vender ai 6 de setember lo dal refuge Roda de Vael da les 11:00 per la rassegna #vive­reinrifugio de la Fondazion Dolomites Unesco l é na scon­trèda col geograf, esplorator e scritor Franco Michieli per en­tener che che l é do che muda tel ruol de la uties da mont.
07.09.
Festa te la vila de Larcioné
La Pro Loco de Vich endreza na festa a Larcioné, per valorisèr un de la viles più beles de Vich. En sabeda ai 7 de setember da les 15:00 vegn endrezà douces e jeghes per i bec e da les 17:00 l é l conzert de la Musega de Vich.
11.09.
Auto dla zentrela di cunsumadëures
N mierculdi ai 11 de setëmber dala 09:30 nchin la 11:30 sarà n servisc l auto dla zentrela di cunsumadëures sun Plaza de Chemun a S. Cristina. L ie n servisc de nfurmazion y cun­sulënza, che dà la puscibltà de se tò pea material de nfur­mazion sun argumënc spe­zifics coche assegurazions, nvestimënc finanzeres, teleco­municazion, frabiché y n. i.. Oradechël puderàn fé n test di zeluleres (mesurazion di raies).
13.09.
San Martin: udiënza dla defensuria popolara
La defensuria popolara o süa sostituta tëgn udiënza a San Martin de Tor, tl salf di stöda­füch, en vëndres ai 13 de se­tëm­­ber dales 14:00 ales 17:00. Por prenotaziuns cherdé sö le 0471 946020. L’ultima udiën­­za de chësc ann a San Martin é ciamó ai 8 de novëm­ber.
21-22.09.
50 egn de la Crousc Biencia de Cianacei
Ai 21 e 22 de setember la Crousc Biencia de Cianacei festeja i 50 egn al Park del Ciuch. En sabeda l tendon aur da les 18:00 e da sera mu­sega coi ‘Schilcherland­buam Quintett’; en domenia messa te gejia del Sacro Cher da les 10:30 e do defilèda, marena con la Musega Auta Fascia, manovra di volontères e tai de la torta.

MOSTRES Y ERT
Atualmënter
Mostra »Introjektion« de Gehard Demetz
L Tublà da Nives te Sëlva nvieia ala mostra »Introjektion« de Gehard Demetz, che resterà da udëi nchin ai 8 de setëmber, uni di dala 16:00–19:00, de merdi, mierculdi y vënderdi nce dala 20:30–22:30. De lunesc iel stlut.
Atualmënter
Mostra »Cumpedan i invierns«
La Galaria Doris Ghetta nvie­ia ala mostra de Aron Demetz dal titul »Cumpedan i invier­ns«, che resterà da udëi nchin duman, 7 de setëmber.
Atualmenter
Mostra de ArtèDonna
Enscin ai 15 de setember te Ciasa Iellici de Tieser con orarie 16:00-19:00 e 20:30-22:00 se pel veder la mostra coletiva de la artistes de Fascia e Fiem ‘ArtèDonna’ de la sociazion La Voce delle Donne.
Atualmenter
Matthias Sieff a la Trienala de Bad Ragaz
L cognosciù artist da Ciam­pedel Matthias Sieff tol pèrt con sia gran operes a »Bad RagARTz« la maor esposizion de scultures a l’averta d’Euro­pa, te chesta sia IX edizion dal titol »Presente«. Tel Gies­senpark de la zitadina termala svizera l é operes de 88 artisć. Les resta fora fin a la fin de otober.
Atualmënter
Sprotte tl Museum Ladin
Tl Museum Ladin Ciastel de Tor él da odëi cina ai 30 de setëmber la mostra »Siegward Sprotte. Nord süd, la geografia dl’ert«.
Atualmënter
Mostra: »Countdown to mass extinction?«
Le Museum Ladin inviëia da jí a ti ciaré ala mostra speziala »Countdown to mass extin­ction?«, che é da odëi fina ai 3 de novëmber tl Museum Ciastel de Tor. La mostra se dá jö cun la plü gran estinziun de massa tla storia dla tera, en relaziun cun la crisa clima­tica da sëgn.
Atualmënter
Mostra sura les Dolomites
Cina ai 13 de setëmber pón odëi tl salf dles manifestaziuns a Corvara na mostra sura les dolomites, cun retrac di foto­grafs dla natöra de Südtirol – Strix. La mostra é daverta dal lönesc ala sabeda dales 8:00 ales 12:00 y dales 15:00 ales 19:00, la domënia y i santus dales 9:00 ales 12:00 y dales 16:00 ales 18:00.
Atualmënter
Mostra »Alta Badia – N ater punt de odüda«
Tl Buchladen am Rienztor a Bornech él da odëi cina ai 14 de setëmber la mostra de fotografies »Alta Badia – Anders gesehen«, de Wolfgang Rieger. Al é da Graz y maridé cun na ladina. Porchël ál metü man da fá fotografies dla patria ladina, che descür motifs impreodüs, nia usuai, n’atra odüda dl raiun.
11.09.
30 ani UNIKA – Fiera dl’ert
Tl Zënter dal Tennis de Run­cadic/Urtijëi uniràl inò a se l dé la mostra tradiziunela UNIKA, che festejea si 30 ani de atività. La giaurida ie ai 11 de setëmber dala 18:30. Chertes de ntreda direta­mën­ter pra la mostra o tla Lies dl Turism de valeda, priesc (sëura i 18 ani): 10,00 euro. La mostra sarà da udëi nchin ai 15 de setëmber.

Religion
14.09.
La Val: preparaziun dl Bato
La Uniun dles Ëres Catoliches dl Decanat Val Badia inviëia i geniturs che á n viadú da batié, pêrs che aspeta, toc y totes de nosc decanat ala preparaziun dl Bato, en sabeda ai 14 de setëmber dales 15:00 ales 17:00 a La Val, tl salf dles ma­nifestaziuns. Prëibel se prenoté pro Lucia al 334 3200396.
02. – 07.10.
Pelegrinaje a Medjugorje
Al vëgn organisé n pelegrinaje al santuar de Medjugorje, dai 2 ai 7 d’otober (6 dis). Por pre­­no­taziuns él da cherdé sö Daniele y Patrizia Agostini al 335 5268546; informaziuns ciafon pro Konrad y Cristine Sottara da La Val al 0471 843077 o 338 5027312.

MUJIGA
06.09.
Trio di corni da mont »Ladinia«
L trio »Ladinia« sunerà si corni da mont ncuei, vënderdi ai 6 de setëmber dala 16:30 inant te Val.
06.09.
»Unknown Brass« y Ermes Costa
Incö vëndres ai 6 de setëmber dales 20:30 él te dlijia da Cor­vara n conzert cun le cuintet »Unknown Brass« y Ermes Costa ai orghi da man (cam­piun dl monn 2018).
07.09.
Conzert di Killbilly’s Band a Moena
En sabeda ai 7 de setember te piaz de Moena con scomenz da les 14:00 conzert col grop Killbilly’s Band: ousc de Raffaella Cordelli, Mattia Scara­bottolo al contrabas, Stefano Mosna a la chitara e Anthony Dantone a la bateria.
07.09.
I Sons de la Dolomites sun Col Bel
En sabeda ai 7 de setember da les 12:00 sun Col Bel (anter Bufaure e Ciampac) per i Sons de la Dolomites l é l con­zert de musega classica con Clarissa Bevilacqua a la vidola e Vicki Powell a la viola.
08.09.
Cianté y soné sön munt
I apuntamënc cun le »Cianté y soné sön munt« tl’Alta Badia vá inant. En domënia ai 8 de setëmber dales 13:30 sona tla Ütia Lee a Badia la »Böhmi­sche Badia«.
08.09.
Conzert sacral a La Ila
En domënia ai 8 de setëmber dales 20:30 él te dlijia da La Ila n conzert cun le grup vocal »Calycanthus Concentus« sot la direziun de Raffaella Benori, adöm al cor »MusiCol« sot la bachëta de Mattia Troi.
09.09.
Al Plan: conzert sacral
En lönesc ai 9 de setëmber dales 21:00 él te dlijia d’Al Plan n conzert sacral cun Raffaella Benori.
11.09.
Corvara: conzert dl »Trio Halma«
En mercui ai 11 de setëmber dales 20:30 él te salf dles ma­nifestaziuns da Corvara n conzert dl »Trio Halma«, metü adöm da Hannes Tschurt­schenthaler (usc), Alessandra Garavella (clavier) y Magda­lena Hintner (vidora).
12.09.
Cunzert dla Mujiga da Bula
La Mujiga da Bula sunerà n juebia ai 12 de setëmber dala 21:00 sun Plaza de dlieja a Urtijëi. Sce l ëssa da vester bur’ tëmp, unirà l cunzert fat tla sala »Luis Trenker« tla Cësa di Cungresc.
12.09.
Cunzert dla Mujiga de Sëlva
La Mujiga de Sëlva sunerà n juebia ai 12.09. dala 20:30 sun Plaza de Chemun te Sëlva.
13.09.
Recital omaje a Bepi de Francesch
En vender ai 13 de setember da les 21:00 te sala Simonin Maza de la scoles de Moena vegn portà dant l recital omaje a Bepi de Francesch ‘Noi alpinisti siamo sognatori’ a 100 egn da sia mort con la oujes de Chiara Turrini e Beatrice Scartezzini compa­gnèdes dal Cor Enrosadira, museghes de Stefano Dell’An­tonio.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosa­nitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698 343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le proscim termin é ai 12 de setëmber. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gher­dëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
10.09.
Sport ladin
Dales 20:50 ca. Program de Diego Clara y Hartmann Mair­­hofer, a cura de Leo Seno­ner.
11.09.
Natura e ambiënt: mans che dëida söi lüsc da paur
Dales 20:50 ca. Le Südtirol é da vedlamënter incá n raiun de paurs. I lüsc röia fina sö alalt, iteinsom a valades da munt gonot ërtes, olache al n’é nia saurí da vire y lauré. Al tleca datrai püch, por che les families sön chisc mesc röies te condiziuns nia plö da tigní fora. Tl 1996 él gnü metü sö la Assoziaziun Laur Volon­tar söl Lüch, che chir volontars por ti daidé cun de vigni sort de laurs. Mo ara nen vá de tröp deplö co le scëmpl laur söl lüch, y datrai nascel ince amizizies che pó duré na vita. Program de Karin Pizzinini, a cura de Anna Mazzel.
12.09.
Arpejuns, monumënc de ert y storia: Museum de Gherdëina
Dales 20:50 ca. Program de Giu­lia Tasser y Jan Piere Karbon, a cura de Alessandro Dapunt.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
06.09.
L servisc de cunsulënza per la scoles
La dut.ra Carla Comploi ie stata ani alalongia l‘ispetëura dl servisc de cunsulënza per la scoles, n servisc che ti juda ala singula scoles ma nce ai nsenianc a abiné soluzions a problematiches che ie tachedes ala ntegrazion de mutons che à n handicap y ala nclujion, fenomens che se fej sentì for plu y plu te nosc sozietà y nsci nce tl mond scolastich. Ora­dechël iela de aiut cun si perso­nal cualificà ulache l ie cunflic, sibe danter maestri, genitori y sculeies y juda nce ulache l ie deficulteies tl mparé y dà nce sustëni ala scoles te situa­zions de mobbing. Trasmiscion de Stefano Zanotti.
07.09.
Crisa demografica
Dales 19:05. Ti ultims agn él tres plö persones che tol la de­zijiun de adoté n amich a cater giames, de fat él da odëi ince te nosta valada tres plö cians. Te val’cité él cinamai plö cians che mituns y mitans sot ai 14 agn. La crisa demo­grafica é un di problems atuai: la Talia é un di paisc cun manco popolaziun danter 0 y 4 agn. Co ciarela pa fora te de atri paisc, sciöche por ejëmpl tla Cina? Program de Iris Del Valle.
08.09.
Agorà – A scola dal‘autra pert dl‘ozean
Sce pudëi jì de viac ie na espe­rienza che descëida da for emozins nueves, pona iel mo n iede zeche d’auter sce l fej per rejons de stude. For plu sculeies, danter chisc Martin Putzer, tol l’ucajion de fé n mez ann de scola auta dalonc da Gherdëina o dal Südtirol. Tla segonda pert va l studënt, che à chësc ann fat l ejam de maduranza, ite plu avisa sun l sistem scolastich candesc y de coche l ie stru­turà. Na cia­­culeda per capì la desfrën­zies danter l sistem scolastich tl Canada y l nost. (segonda pert). Trasmiscion de Ivan Senoner.
11.09.
Jent da zacan: Veronika Zanoner, na ela che amèa si reijes e i colores
Dales 19:05. Veronika Zano­ner, na ela che aea a cher si rejies e la ne à lascià tropes scric ma ence chedres e scultures. Na anticonformista tant tel scriver con la »k«,che no l’à mai lascià alò, che te si idees e si parbuda. En rejonon ence con so fì Giuliano Picco­liori. Program de Anna Mazzel e Anelise Vian.
12.09.
Vives!
Dales 19:05. Dl’importanza dl’ega por nosc corp, de tan, ci y co bëre, nes cunta te chësc program la consulënta por l’alimentaziun Ivonne Daurú. N program de Sara Frenner.

Temp Lede
Atualmenter
Pigui Experience te Museo Ladin de Fascia
Te Museo Ladin de Fascia, al priesc de 2 euro apede al biliet de entrèda, se pel tor pèrt al jech »Pigui Experience«, reality game che fèsc cogno­scer l sit archeologich de Mazin. Desponibol da la do­menia al vender da les 10:00 a les 12:00 e da les 15:00 a les 19:00 con prenotazions sul sit www.istladin.net.
Atualmenter
Oraries

• 
•  

View the embedded image gallery online at:
https://www.lausc.it/manifestazions-y-evenc/27835-manifestazions-atuales#sigProId6c0e9743b0

Museo Ladin de Fascia
L Museo Ladin de Fascia é avert da la domenia al vender: fin ai 10 de setember da les 10:00 a les 12:00 e da les 15:00 a les 19:00 e do fin ai 11 de otobert demò domesdì. Preno­tazion per gropes ence te etres oraries, info: 0462.760182.
Atualmënter
La Val: ala descurida dl paisc
Na ciacia al tesur particolara portará fora por le paisc da La Val chësc isté. Ara se trata de na spazirada interativa da na staziun al’atra, cun le tra­vert da ciafé la parora de solu­ziun, chirin les staziuns fora por paisc. Dötes les informa­ziuns y i materiai da pié ia cia­fon tl ofize turistich da La Val.
Uni merdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi ie inò daviert. I stonc sarà davierc dala 15:00 nchin la 19:00, uni merdi nchin ai 10 de setëmber.
Uni vënderdi
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, for de vënderdi, nchin ai 13 de setëmber.
06.09.
Stories de 15 menuc
Tla bibliotech San Durich de Urtijëi saràl ncuei, vënderdi ai 6 de setëmber, dala trëi domesdì da ti scuté su a »Sto­ries de 15 menuc per mutans y mutons« cun Nathalie.
07.09.
Sellaronda Bikeday
Nce chëst ann vëniel metù a jì l Sellaronda Bikeday–ai 7 de setëmber sarà i cater jëufs dla Dolomites (Frea, Ciau­lonch, Pordoi y Sela) śarei al trafich a motor dala 08:30 nchin la 16:00, per ti dé la puscibltà a chëi y chëles dala roda de pudëi se goder i jëufs y la cuntredes zënza messëi abadé ai auti. Duc possa fé pea y la manifestazion ie debant. L vën pià via te Sëlva da Plaza Nives.
07.09.
Sellaronda Bike Day
En sabeda ai 7 de setëmber vëgnel tigní le Sellaronda Bike Day, olache an pó pedalé sön 53 chilometri de strada incër le grup dl Sela. Por l’ocajiun vëgnel stlüt al trafich dales 8:30 ales 16:00 les strades anter i jus de Sela, Pordú, Ciaulunch y Frara.
08.09.
Mëssa sun Jëuf de Frea
N dumënia ai 8 de setëmber saràl inò, pra la Capela de San Mauriz sun Jëuf de Frea, la mëssa tradiziunela dla grupa di Alpini de Gherdëina. La mëssa, tenida dal seniëur pluan de Sëlva, sarà dala 11.35 nchin la 11.45, l Cor de Dlijea de Sëlva cianterà. Per festejé i vint ani dla capela saràl l cor di alpini »Concordia« de Maran che tenirà n pitl cun­zert. Per chi che uel jì su a pe: n se anconta dala 9.30 dal Hotel Alpino te Plan. Duc ie de cuer nviei.
08.09.
Ancunteda FIAT 500 SELLA TOUR
Ai 8 de setëmber se anconta i apasciunei y l’apasciunedes de Fiat 500 sun la plaza dan la Cësa de Cultura de Sëlva, dala 08:30. L ie da se lascé nuté su. Per de plu nfurma­zions: 500sellatour@gmail.com, Peter 329 4221363 o Georg 335 8274025.
08., 10. y 12.09.
Kidshour – devertimënt por mituns sö alalt
Pro le parch »Movimënt« sön Piz Sorega vëgnel metü a jí ai 8, 10 y 12 de setëmber jüc, ani­maziun y devertimënt por mituns da 5 a 10 agn. La ma­nifestaziun vëgn tignida vigni mertesc, jöbia y domënia dales 13:30 ales 17:00, cina ala fin de setëmber. Iscriziuns online o ti ofizi turistics dl’Alta Badia.
09.09.
Escurjiun responsabla a Corvara
Tla cornisc dla iniziativa »Atira« vëgnel tigní en lönesc ai 9 de setëmber na escurjiun olache an ti dá n contribut a nosta contrada, jon fora por i trus a cöie sö le ciomënt lascé incërch. An pëia ia dales 9:30 pro l’implant Boé a Cor­vara. Iscriziuns online o ti ofizi turistics dl’Alta Badia.
10.09.
Gosté da paur
En mertesc ai 10 de setëmber dales 8:00 pón tó pert al »Gosté da paur« sön le Lüch Ruances a San Ciascian. An podará vijité le lüch, jí te stala y ti ciaré ai tiers, denanche se gode n bun gosté cun lat, smalz, üs, pan y d’atres spe­zialités fates te ciasa. Iscriziuns online o ti ofizi turistics dl’Alta Badia.
11.09.
Pastelné cun materiai naturei
Sun Pitla Plaza de Sant An­tone a Urtijëi puderà i mëndri y la mëndres pastelné cun materiai naturei (puc, rames, pleces, ciofs, y n.i.), dala 14:30 nchin la 18:00.
11.09.
Laboratore creatif tl Museum Ladin
Ai 11 de setëmber dales 15:00 vëgnel tigní tl Mu­seum Ladin Ciastel de Tor n laboratore creatif por mi­tuns y mitans da 4 a 10 agn. Al vëgn pastelné cun ma­teriai naturai. Max. 15 par­tezipanc. Le prisc é de 5,00€ a möt. Infos y iscriziuns al 0474 524020 o prenota ziuns@museumladin.it
12.09.
La Ila: domisdé cun jüc da mësa
Le pulmin di jüc dl »Spiele­verein Dinx« storj pro en jöbia ai 12 de setëmber dales 15:30 ales 17:30 a La Ila. Te biblio­teca pó pici y gragn passé n domisdé cun na gran cerna de jüc da mësa. N espert dá consëis y spliga les regoles. Al é ince la poscibilité da s’impresté fora jüc.
13.09.
»Danter ega y tera« te Ciasa dl Parch
En vëndres ai 13 de setëmber dales 15:00 ales 16:30 él te Ciasa dl parch a Al Plan le laboratore Natöra de Daksy, por mitans y mituns da 6 a 12 agn. Le tema é »Danter ega y tera – I anfibs de Süd­tirol«. Al é da s’anunzié anter la jöbia dales 18:00 al 0474 506120.
14.09.
»Wownature« a Corvara
En sabeda ai 14 de setëmber dales 11:30 pón tó pert al’ini­zia­tiva WOWnature, sön Planac sura Corvara. iló pón senté n lëgn tl bosch derné da Vaia, por dé n contribut ala sconanza ambientala y al aumënt dla biodiversité. An pó se scri ite sot a: https://4g8 qwfs8mb9.typeform.com/alta badia-2024?typeform-source =www.wownature.eu

CHINO
Atualmenter
Al chino de Tieser
Anché vender ai 6 de setember da les 17:15 l é »Beetlejuice« che vegn moscià ence en domenia ai 8 semper da les 17:15, da les 21:15 enveze l é »Il Corvo«, mercol ai 11 da les 21:15 l é »It ends with us« e jebia ai 12 da les 21:15 l é »Pericolosamente vicini«. Program su www.cinema tesero.com.

Cursc
27.09.
Curs de teater
L’Uniun Teater La Ila mët a jí n curs de teater por mitans y mituns cun Erika Castlunger tla Ciasa dla Cultura da La Ila vigni vëndres domisdé dai 27 de setëmber inant por 10 iadi: dales 14:30 ales 15:30 por la 3 y 4 tlassa dla scora elementara, dales 16:00 ales 17:30 por la 5a tlassa dla scora elementara y por la 1, 2 y 3 tlassa dla scora mesana. Infor­maziuns y iscriziuns: Erika 3396288847.

Referac
09.09.
Ci fossel pa dërt da mangé por se sté bëgn?
A chësta domanda proun da i dé resposta en lönesc ai 9 de setëmber dales 19:30, te biblioteca a Calfosch. Al vëgn tigní n »Open day« de educa­ziun alimentara, cun la refe­rënta Benedetta Piller Cottrer. Organisaziun: Consëi de for­maziun Corvara.

Sport
07.09.
Marcialonga Running Coop
Doman, sabeda ai 7 de setem­ber da Piaz de Sotegrava da les 16:30 ponta via la Marcia­longa Running Coop, la gare­jèda de corsa a pe che perveit doi percorsc, un più curt de 21 chilometres fin a Masi e un de 26 chilometres fin a Cia­­valeis olache sarà la premia­zions, pasta party e musega.
07.09.
Mini Marcialonga Running
Doman, sabeda ai 7 de setem­ber a Moena l é la Mini Mar­cialonda Running, na garejèda de corsa per bec e bezes dai 6 ai 12 egn che pontarà via da Piaz de Sotegrava da les 16:30.
12/15.09.
Mondièi Enduro e E-Enduro a Cianacei
Dai 12 ai 15 de setember a Cia­­­­nacei l é i Campionac Mon­dièi de Enduro e E-En­duro: jebia ai 12 da les 20:00 zerimonia de avertura; vender ai 13 proes ledies sui percors del Fascia Bike Di­strict anter Ciampac, Belve­dere e Rodela; sabeda ai 14 da les 8:00 a les 17:00 gare­jèdes e premiazions; domenia ai 15 da les 9:00 a les 16:00 percorsc averc al publich.
28.09.
Ladinia Cup Memorial Gino Comelli
En sabeda ai 28 de setember l Socors da mont Auta Fascia e l Fascia Climbing endreza la Ladinia Cup Memorial Gino Comelli na garejèda de rampinèda sportiva resservèda ai sozi de la stazions del Socors da mont de la valèdes ladines. La garejèdes lo da la palestra ADEL de Ciampedel taca ite da les 9:30, da les 16:00 finèles e sobito do la premiazions.

Dotours
Dutor Gherdëina
L dutor de servisc da n sada ai 07.09. dala 08:00 daduman nchin la 08:00 daduman de n lunesc ai 09.09. ie l dutor Simon Kostner de Sëlva, tel. 347 2297492.
Doturs Val Badia
Tla fin dl’edema 7 y 8 de setëm­­ber él en sorvisc ti cin’ comuns dla Val Badia la do­turia Stefania Febbraro, Al Plan, tel. 377 3288595.

Apoteches
Apoteca Gherdëina
L‘apoteca de servisc ora dl orar urdiner de giaurida da n vënderdi ai 06.09. nchin n vënderdi ai 13.09. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/12.30. Turnus: 9.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 6 de setëmber dales 19:00 al vëndres ai 13 de setëmber ales 19:00, é chëra d’Al Plan, tel. 0474 501240.

Segres y Festes
08.09.
Segra de S. Ujep a Runcadic
N dumënia ai 8 de setëmber saràl la Santa Mëssa dala 09:30, daldò la pruzescion y festa cun ntratenimënt de mujiga.
08.09.
Festa: 70 ani Lia da Mont Gherdëina
N dumënia ai 8 de setëmber festejea la Lia da Mont Gher­dëina si 70 ani pra l Cason sun Mont Sëura a S. Cristina. Sëuraprò saràl nce na ancun­teda dla lies da mont ladines. Dala 10:30 saràl la Santa Mëssa y daldò jiràla inant cun paroles dl’autoriteies, marënda y mumënc de aurela curta cun la Böhmische de S. Cristina.