La Usc di Ladins

Na rujeneda ie y resta viva ajache la vën vivuda dala jënt. Chësc ne n'ie nia mé n juech de paroles, ma na urità soziolinguistica che ne n'ie nia da sotvaluté. La firma nterna­ ziunela y cunesciuda de fonins Motorola à nvià via n proiet per sustenì la rujenedes che resieia de murì ora aldò de n stude dl'Unesco. Ntant àn bele purtà ite de plu ru­ jenedes ti sistems software di fonins: nheengatu (Amazonia), kaingang (sud y sud­est dl Brasil), cherokee (America dl nord), Kuvi y Kangri (India) y Maroi (Nueva Zelanda). Y śën: ladin.
L pruf. Paul Videsott pra la prejentazion dl prim smartphone cun rujeneda dl sistem per ladin, tla sënta zentrela dla Università Liedia de Bulsan: »Avëi la rujeneda ladina sun n fonin à la medema mpurtanza che la ova te n liber ti seculi passei. L ladin tla tecnologia ti mostra...«

L articul ntier sarà da liejer tla edizion nueva de La Usc di Ladins de doduman vënderdi ai 7 de juni.

Bruno Maruca