La Usc di Ladins

Luciano Cigolla da Vich, alenador del Fascia Balon, l é stat chiamà a vidèr la formazion ladina de ic che tolarà pèrt a l’Europeada, che pea via chesta domenia e la jirà inant per duta la setemèna che vegn. L é la pruma outa che i Ladins a Europeada i à n trainer fascian, e aon volù ge fèr vèlch domana.

Per Cigolla l prum moment ofizial del event, stat en domenia jun Busan, con la prejentazion de la 4 squadres de ic e de eles che raprejentarà la Ladinia e l Sudtirol, l é stat na bela ocajion per se cognoscer. L ne à dit che da Fascia con l’autoritèdes, apede al procurador del Comun General Giuseppe Detomas, l era ence Cristoforo Debertol, che ades l é l diretor del Comitat Gregn Evenc de Fascia ma soraldut l é stat jiador del Fascia Balon per n muie de egn e l à tout pèrt più outes a l’Europeada; »l é stat proprio el – l à sotrissà – a me meter en contat con Giorgio Costabiei«.

Se aon fat contèr mingol l program de chest event, coche i se à endrezà e che spetadives che l à.

Podede lejer dut su La usc stampèda de en vender ai 28 de jugn.  (Lucia Gross)