Ence chest an, desche da n pec de egn, sun scomenzadiva de l’Union di Ladins de Fascia, na grupa de Ladins, en sabeda ai 22 e en domenia ai 23 de jugn, l’à vareà l jouf del Termen anter la Val Aurina e chela del Krimml per viventèr la fradaa anter l’Union di Ladins e la familia Geisler.
Se trata de na raida en recort e su la pedies di depenjadores de Fascia che via per l 1800 i à lascià scric e depenc te la veia stua de la Krimmler Tauernhaus. Nesc antenac depenjadores, soraldut fascegn de la Val de Sora, l é documentà che n era n centené, i jia fora per l Tirol e dut l Empere d’Austria enscin te la capitala Viena per se l vadagnèr. I aea na bona man, i depenjea soraldut mobilia e de chest lurger l é n muion de testimonianzes, te desvalives musees, te veia majons e canche i vegnia deretorn te ‘Patria’ sul uton via, i depenjea mobilia, pulc, cunes e auter te Val.
De più su La Usc stampèda de en vender ai 28 de jugn. (Fernando Brunel)
Na grupa de Ladins sul troi di depenjadores
Ai 22 e 23 de jugn i à passà via l termen anter la Val Aurina e chela del Krimml. Te la stua veiora de la Krimmler Tauernhaus i ge à consegnà ai patrons l filmat de la raida del an passà.
Galaria retrac
View the embedded image gallery online at:
https://www.lausc.it/atualite/27436-na-grupa-de-ladins-sul-troi-di-depenjadores#sigProId3fc7d58517
https://www.lausc.it/atualite/27436-na-grupa-de-ladins-sul-troi-di-depenjadores#sigProId3fc7d58517