La Usc di Ladins

L é n bel recognosciment, che che da pech se à vadagnà l ‘Museo 1915-1918 Dolomiten’, avert dal 2018 sul tegnir de la provinzia de Trent, lo da la stazion de partenza de la forenadoa del Sas Pordoi, ma da semper rencurà dai volontères fodomes de la Sociazion storich culturèla Col di Lana.

Chesta esposizion storica la é defat stata touta ite te la Rei Trentino Grande Guerra, n sistem che tol ite musees, sociazions e istituzions publiches e privates che tel Trentin les se cruzia de studièr, stravardèr e valorisèr l patrimonie storich leà a la pruma vera mondièla e che les à permetù che amò anchecondì se posse veder e cognoscer chi evenc travers ogec, documenc e testimonianzes. 

Via per d’istà ence l ‘Museo 1915-1918 Dolomiten’ de Pordoi l é avert, e se pel aer maor informazions sul sit www.trentinograndeguerra.it o ence su la piata interner e ti ofizies de l’Azienda de promozion turistica de Fascia e de Fodom. 

De più su La Usc stampèda de ne vender ai 9 de aost.   (LG)